មេបញ្ជាការកងទ័ពហូឡង់ Martin Wijnen បាននិយាយនៅក្នុងបទសម្ភាសន៍ជាមួយកាសែតហូឡង់ De Telegraaf កាលពីថ្ងៃទី២៨ ខែធ្នូថា ប្រទេសហូឡង់ ត្រូវតែត្រៀមខ្លួនឲ្យកាន់តែប្រសើរឡើងសម្រាប់        សង្គ្រាមនាពេលអនាគតជាមួយរុស្ស៊ី ជាឧទាហរណ៍ តាមរយៈការលើកទឹកចិត្តដល់ការបម្រើយោធាដោយស្ម័គ្រចិត្ត។ 

រដ្ឋមន្ត្រីការពារជាតិអាល្លឺម៉ង់ លោក Boris Pistorius បានប្រាប់សារព័ត៌មាន Die Welt am Sonntag នៅក្នុងបទសម្ភាសន៍កាលពីថ្ងៃទី១៦ ខែធ្នូថា អឺរ៉ុប អាចប្រឈមមុខនឹងគ្រោះថ្នាក់ នៅចុងទសវត្សរ៍នេះ ហើយចាំបាច់ត្រូវ «ចូលរួមបន្ថែមទៀតក្នុងការធានាសន្តិសុខ នៅលើទ្វីបរបស់យើង» ។

លោក Wijnen បាននិយាយថា សង្គមហូឡង់ «មិនគួរគិតថា សុវត្ថិភាពត្រូវបានធានា» ដោយសារតែប្រទេសរបស់ពួកគេ ស្ថិតនៅចម្ងាយជាង ១.០០០គីឡូម៉ែត្រពីប្រទេសរុស្ស៊ី។ ប្រទេសរុស្ស៊ី កាន់តែរឹងមាំ»។

លោក Wijnen បានអះអាងថា ខណៈពេលដែលរដ្ឋាភិបាល បានបែងចែកប្រាក់រាប់ពាន់លានសម្រាប់ការចំណាយលើឧបករណ៍ការពារ បុគ្គលិកកាន់តែច្រើន គឺត្រូវការជាចាំបាច់ដោយសារតែការគំរាមកំហែងនៃសង្រ្គាមកាន់តែកើនឡើង។

លោកបាននិយាយ ដោយចង្អុលទៅឧទាហរណ៍នៃប្រទេសស៊ុយអែត ហ្វាំងឡង់ និងរដ្ឋបាល់ទិកថា៖«ប្រទេសហូឡង់ ត្រូវតែភ័យខ្លាចចំពោះសង្រ្គាមឲ្យខ្លាំង ហើយសង្គមរបស់យើង ត្រូវតែត្រៀមខ្លួនសម្រាប់រឿងនេះ»។