កងកម្លាំងការពារអ៊ីស្រាអែល (IDF) កាលពីថ្ងៃអាទិត្យ បានបន្តវាយប្រហារគោលដៅនៅទូទាំងតំបន់ហ្កា ហ្សាស្ទ្រីប ដោយប្រជាជននៅក្នុងតំបន់ឆ្នេរសមុទ្របិទមិនឲ្យចូល បានរត់ចេញពីកន្លែងលាក់ខ្លួនជាយូរមកហើយ។

កងកម្លាំងការពារអ៊ីស្រាអែល បាននិយាយថា យន្តហោះចម្បាំង បានបន្តការវាយប្រហារជាថ្មីលើក្រុមភេរវករ នៅជិតទីក្រុងហ្កាហ្សាភាគខាងជើង ដោយមានកងទ័ពជើងគោក ជួយកម្ចាត់ពួកគេផងដែរ។

យោងតាមរបាយការណ៍បានឲ្យដឹងថា កងទ័ព បានរកឃើញ និងបំផ្លាញគ្រឿងផ្ទុះ នៅក្នុងសាលាមត្តេយ្យមួយ។

ងកម្លាំងការពារអ៊ីស្រាអែល បានឲ្យដឹងថា ក្រុមសកម្មប្រយុទ្ធ ក៏ត្រូវបានសម្លាប់ នៅភាគខាងត្បូងនៃតំបន់ហ្កាហ្សា ហើយកំណាត់ផ្លូវរូងក្រោមដីផ្សេងទៀត ត្រូវបានគេរកឃើញ។

នៅក្នុងទីក្រុងខាន់យូនីស (Khan Younis) កងទ័ពអ៊ីស្រាអែល ក៏ត្រូវបានគេរាយការណ៍ថា បានវាយលុកទីស្នាក់ការកណ្តាលរបស់ក្រុមហាម៉ាស ដែលជាអង្គការជ្រុលនិយមប៉ាឡេស្ទីន ដែលបានគ្រប់គ្រងតំបន់ហ្កាហ្សាដោយកម្លាំងក្នុងឆ្នាំ ២០០៧ ហើយត្រូវបានចុះបញ្ជីជាអង្គការភេរវកម្មដោយអ៊ីស្រាអែល សហភាពអឺរ៉ុប និងសហរដ្ឋអាមេរិក។