កាក់ Bitcoin បានឡើងថ្លៃលើសពី ៤៥.០០០ដុល្លារអាមេរិក នៅថ្ងៃអង្គារ (ទី២ ខែធ្នូ) នេះ ដែលជាលើកដំបូង គិតចាប់តាំងពីខែមេសា ឆ្នាំ២០២២ ខណៈដែលរូបិយប័ណ្ណគ្រីបតូដ៏ធំបំផុត និងលេចធ្លោរបស់ពិភពលោកមួយនេះ បានចាប់ផ្តើមឆ្នាំ២០២៤ ជាមួយនឹងការឡើងថ្លៃ ដែលជំរុញដោយក្ដីសង្ឃឹម ជុំវិញការអនុម័ត ដែលអាចនឹងកើតមាន លើមូលនិធិ Bitcoin ជាកន្លែងប្តូរប្រាក់។

រូបិយប័ណ្ណ Bitcoin បានឡើងដល់កម្រិតខ្ពស់បំផុតរយៈពេល ២១ខែ គឺតម្លៃ ៤៥.៤៨៨ដុល្លារ ក្នុង ១កាក់ ដោយបានហក់ឡើង ១៥៤ភាគរយ កាលពីឆ្នាំមុន ដែលជាប្រតិបត្តិការដ៏រឹងមាំបំផុត គិតចាប់តាំងពីឆ្នាំ២០២០ មក។ រូបិយប័ណ្ណនេះ បានឡើងខ្ពស់លើកចុងក្រោយ ២,៦ភាគរយ គឺតម្លៃ ៤៥,៣៤៤ដុល្លារ ប៉ុន្តែនៅតែឆ្ងាយពីកំណត់ត្រាខ្ពស់បំផុត ៦៩,០០០ដុល្លារ ដែលរូបិយប័ណ្ណនេះ បានឡើងដល់កាលពីខែវិច្ឆិកា ឆ្នាំ២០២១។

នៅក្នុងប៉ុន្មានខែថ្មីៗនេះ មានសញ្ញាកើនឡើង ដែលនិយតករ បានរៀបចំចុះហត្ថលេខាលើយ៉ាងហោចណាស់ ១៣ចំណុច ដែលបានស្នើឡើងសម្រាប់មូលនិធិប្ដូរប្រាក់ Bitcoin ដោយមានការរំពឹងទុកថា ការសម្រេច ទំនងជានឹងកើតមាននៅដើមខែមករានេះ។

លើសពីនេះទៀត ការកើនឡើងនៃឱកាស ដែលបណ្ដាធនាគារកណ្តាលធំៗ នឹងកាត់បន្ថយអត្រាការប្រាក់របស់ខ្លួន នៅឆ្នាំនេះ ក៏ជាស្ថានភាពអំណោយផល សម្រាប់រូបិយប័ណ្ណគ្រីបតូនេះផងដែរ ដែលនឹងជួយលុបបំបាត់ភាពអាប់អួ ដែលបានគ្របដណ្ដប់លើទីផ្សារគ្រីបតូ បន្ទាប់ពីការដួលរលំនៃក្រុមហ៊ុន FTX និងការបរាជ័យ ក្នុងអាជីវកម្មគ្រីបតូផ្សេងទៀត ក្នុងឆ្នាំ២០២២៕