​បាល់ទាត់៖ ​​សមាគម​បាល់ទាត់​អង់គ្លេស FA បាន​បញ្ជាក់ថា​ កីឡាករ និង​សមាជិក​ក្រុម​ជំរើសជាតិ​អង់គ្លេស​ទាំងអស់​សុទ្ធតែ​ត្រូវបានធ្វើ​តេស្ត​ និង​ទទួលបាន​លទ្ធផល​អវិជ្ជមាន Covid-19 ទាំងអស់គ្នា បន្ទាប់ពី​ការប្រកួត​កាលពី​ថ្ងៃ​សុក្រ​កន្ល​កមក​ពេល​ជួបស្កុ​ត​ឡេ​ន​។

​​ខ្សែបំរើ​ស្កុ​ត​ឡេ​ន Billy Gilmour ដែលជា​កីឡាករ ១១នាក់​ដំបូង​ពេល​ស្កុ​ត​ឡេ​ន​ស្មើគ្នា ០-០ ជាមួយនឹង​អង់គ្លេស និង​ជា​កីឡាករ​ឆ្នើម​ប្រចាំការ​ប្រកួត​នោះ ត្រូវបាន​ធ្វើតេស្ត​ឃើញ​វិជ្ជមាន Covid-19 ខណៈ​ពេលនេះ​កំពុង​ធ្វើ​ច​ត្តា​ឡី​ស័ក​។ ​FA បាន​បញ្ជាក់​ទៀតថា​ កីឡាករ​ទាំង ២៦នាក់​របស់លោក Gareth Southgate រួមជាមួយ​ក្រុមការងា​រទាំង​អស់​ត្រូវបានធ្វើ​តេស្ត​កាលពី​ថ្ងៃអាទិត្យ​ ដោយ​ម៉ាស៊ីន​ពិសោធ​ដែល​ទទួលស្គាល់​ដោយ UEFA តែម្តង​រឺ​ហៅថា PCR Testing​។ ​​យ៉ាងណាក្តី FA ក៏​បានចេញ​សេចក្តី​ថ្លែង​ការ​ចុងក្រោយ​នៅ​យប់​ថ្ងៃ​ចន្ទ​ម្សិលមិញ​ថា​ កីឡាករ​ពីរ​នាក់​របស់​អង់គ្លេស​រួមមាន Mason Mount និង Ben Chilwell ត្រូវ​បង្ខំចិត្ត​នៅ​ដាច់ដោយឡែក​ពី​គេ​សិន​ បន្ទាប់ពី​អ្នក​ទាំងពីរ​សុទ្ធតែ​បាន​ប៉ះពាល់​ផ្ទាល់​ជាមួយ Billy Gilmour​។​

​អង់គ្លេស​នឹងត្រូវ​ជួប​ឆេ​ក​យប់​នេះ​ដើម្បី​រក​កៅអី​ទៅ​ជុំ​បន្ត ​ខណៈ​ក្រុម​ទាំងពីរ​កំពុងមាន ៤ពិន្ទុ​ដូចគ្នា​។ ​​ចំណែក​ស្កុ​ត​ឡេ​ន​ពាក់ព័ន្ធ​នឹង​ខ្សែបំរើ Billy Gilmour វិជ្ជមាន Covid-19 នោះ​សមាគម​បាល់ទាត់​ស្កុ​ត​ឡេ​ន​បាន​បញ្ជាក់ថា​ មិនមាន​ការប៉ះពាល់​ដោយផ្ទាល់​ណាមួយ​ជាមួយ​កីឡាករ​វ័យ ២០ឆ្នាំ​រូបនេះ​ឡើយ ខណៈ​កីឡាករ ២៥នាក់​ផ្សេងទៀត​សុទ្ធតែ​អវិជ្ជមាន ​នឹង​អាចជួយ​ក្រុម​បាន​ពេល​ជួប​ក្រូ​អាស៊ី​។ ​​ស្កុ​ត​ឡេ​ន​ជួប​ជាមួយ​ក្រូ​អាស៊ី​នៅ​ថ្ងៃ​ពុធ​នេះ ក្រុម​ទាំងពីរ​សុទ្ធតែ​ការ​ឈ្នះ​ដាច់ខាត​ដូចគ្នា​ដើម្បី​កៅអី​នៅ​ជុំ​បន្ត ​ពោលគឺ​ក្រុម​ទាំងពីរ​មាន ១ពិន្ទុ​ដូចគ្នា​ពី​ការប្រកួត ២លើក​៕

​អត្ថបទ​៖​នាង សុភា​វុ​ធ