អ្នកជំនាញនៅវិទ្យាស្ថានដើម្បីសិក្សាពីសង្គ្រាម (ISW) បានវិភាគសេចក្តីថ្លែងការណ៍របស់ប្រធានាធិបតីរុស្ស៊ី វ្ល៉ាឌីមៀ ពូទីនថា លោកខាងលិច គឺជាសត្រូវរបស់រុស្ស៊ី ហើយថា រុស្ស៊ីកំពុងធ្វើសង្រ្គាមឥតឈប់ឈរ ប្រឆាំងនឹងលោកខាងលិច នៅអ៊ុយក្រែន។

ប្រធានាធិបតីអាមេរិក លោក វ្ល៉ាឌីមៀ ពូទីន បានហៅលោកខាងលិចថា ជាសត្រូវរបស់រុស្ស៊ី ហើយបានបញ្ជាក់ថា រុស្ស៊ីកំពុងប្រយុទ្ធនៅអ៊ុយក្រែន ដើម្បីយកឈ្នះលោកខាងលិច។

លោក ពូទីន ឆ្លើយតបនឹងសំណួររបស់ទាហានរុស្ស៊ីអំពីជំនួយរបស់លោកខាងលិចដល់អ៊ុយក្រែន ក្នុងកិច្ចប្រជុំនៅមន្ទីរពេទ្យយោធា ក្នុងទីក្រុងមូស្គូកាលពីថ្ងៃទី១ ខែមករា ដោយនិយាយថា បញ្ហារបស់រុស្ស៊ី មិនមែនថា លោកខាងលិចជួយអ៊ុយក្រែនទេ ប៉ុន្តែលោកខាងលិច គឺជាសត្រូវរបស់រុស្ស៊ី។

លោក បានអះអាងបន្ថែមថា អ៊ុយក្រែនដោយខ្លួនឯងមិនមែនជាសត្រូវរបស់រុស្ស៊ីទេ ប៉ុន្តែថា «តួអង្គ» លោកខាងលិច «ដែលចង់បំផ្លាញភាពជារដ្ឋរបស់រុស្ស៊ី»និងការលើកឡើងអំពី«ការបរាជ័យជាយុទ្ធសាស្ត្ររបស់រុស្ស៊ីនៅលើសមរភូមិ» គឺជាសត្រូវរបស់រុស្ស៊ី។

លោកពូទីន បានបន្តថា ឥស្សរជនលោកខាងលិច កំពុងព្យាយាមបំបែកប្រទេសរុស្ស៊ីជា៥ផ្នែក ហើយកំពុងព្យាយាមធ្វើដូច្នេះ ដោយប្រើអ៊ុយក្រែន ប៉ុន្តែស្ថានភាពនៅខ្សែត្រៀមជួរមុខ កំពុងផ្លាស់ប្តូរហើយរុស្ស៊ីនឹង      «ដោះស្រាយជាមួយលោកខាងលិច»លឿនជាងលោកខាងលិចអាចដោះស្រាយជាមួយរុស្ស៊ីនៅលើសមរភូមិ នៅអ៊ុយក្រែន។