ភ្នំពេញ៖ ខណៈនៅសល់តែ ០៦ថ្ងៃទៀត ខួបទី៧០ឆ្នាំជាថ្ងៃកំណើត របស់គណបក្សប្រជាជនកម្ពុជា(២៨ មិថុនា១៩៥១-២៨ មិថុនា ២០២១) មានមន្ត្រីរាជកា បងប្អូនប្រជាពលរដ្ឋជាច្រើន ដែលបានកំពុងលេងបណ្តាញសង្គមហ្វេសបុកនោះ បានដាក់តាំងរូបស្ទីឃ័រនៅលើហ្វេសបុករបស់ពួកផងខ្លួនជាច្រើន ដើម្បីអបអរសាទរ ដោយការដាក់តាំងនេះ គឺជាការបង្ហាញនូវការស្រឡាញ់ និងនឹកគុណរបស់គណបក្សនេះដែលបានដឹកនាំប្រទេសឲ្យមាន សុខសន្តិភាព និងការអភិវឌ្ឍរហូតដល់សព្វថ្ងៃនេះ។
បើតាមការសង្កេត ការដាក់តាំងនូវស្ទីឃ័ររូបភាពរបស់មន្ត្រីរាជកា និងបងប្អូនប្រជាពលរដ្ឋ នៅក្នុងបណ្តាញសង្គមនេះ គឺជាការជំនួសដោយការជួបជុំធ្វើមីទ្ទិញ ដោយសារតែស្ថានការណ៍បច្ចុប្បន្ននៃប្រទេសបានកំពុងជួបនូវវិបត្តិមេរោគកូវិដ១៩។
ប៉ុន្តែ ទោះជាយ៉ាងនេះ ការផ្សព្វផ្សាយនូវឡូហ្គូ បដាពាក្យស្លោកនានាក្នុងឱកាសខួប៧០ឆ្នាំនេះ គឺជាការបង្ហាញនូវភាពស្មោះត្រងរបស់ពួកគេទៅលើគណបក្សប្រជាជនកម្ពុជា ដែលជាគណបក្សបានរំដោះជាតិមាតុភូមិឲ្យរួចផុតពីសង្គ្រាមស៊ីវិលនៅកម្ពុជា ហើយក៏ជាគណបក្ស ដែលបានឲ្យពួកគេមានជីវិតដោយសុខស្រួលរហូតដល់សព្វថ្ងៃនេះដែរ។
គណបក្សប្រជាជន គឺត្រូវបានបង្កើតឡើងនៅថ្ងៃទី២៨ ខែមិថុនា ឆ្នាំ១៩៥១ ដោយអ្នកជាតិនិយមកម្ពុជាដើម្បីរំដោះជាតិកម្ពុជាពីការគ្រប់គ្រងរបស់ពួកអាណានិគមបារាំង។
នៅក្នុងរយៈពេលនៃ៧០ ឆ្នាំហើយដែលគណបក្សប្រជាជនកម្ពុជាបានប្រកាន់ខ្ជាប់ឥតប្រែប្រួលនូវសារជាតិរបស់ខ្លួន ជាគណបក្សរបស់ប្រជាជន អាស្រ័យដោយប្រជាជន និងដើម្បីប្រជាជន ហើយបានសម្រចសមិទ្ធផលធំៗជាច្រើនជូនជាតិមាតុភូមិទាំងមូល។ ចាប់តាំងពីថ្ងៃបដិសន្ធិមកគណបក្សប្រជាជនកម្ពុជា បានប្រកាន់ខ្ជាប់ជានិច្ចនូវគោលបំណង និងឧត្តមគតិរបស់ខ្លួន គឺឈរនៅខាងប្រជាជនផ្សារភ្ជាប់រួមសុខទុក្ខជាមួយប្រជាជន ពុះពារជម្នះគ្រប់ឧបសគ្គ ហ៊ានធ្វើពលិកម្មឥតរុញរា ដើម្បីកម្ពុជា ឯករាជ្យ សន្ដិភាព សេរីភាព ប្រជាធិបតេយ្យ អព្យាក្រឹត្យ និងវឌ្ឍនភាពសង្គម។
យោងតាមសេចក្តីជូនដំណឹងរបស់យុវជនគណបក្សថ្នាក់កណ្តាលលេខាដ្ឋាន នៃគណបក្សប្រជាជនកម្ពុជា ស្តីពីការចូលរួមអប់អរសាទរខួបលើកទី៧០ឆ្នាំ នៃថ្ងៃបង្កើតគណបក្សប្រជាជនកម្ពុជា ដែលទូរទស្សន៍BTVទទួលបាននាថ្ងៃទី២២ ខែមិថុនា ឆ្នាំ២០២១នេះ បានស្នើទៅសមាជិក-សមាជិកាគ្រប់លំដាប់ថ្នាក់ ទាំងក្នុងនិងក្រៅប្រទេសទាំងអស់ គប្បីរៀបចំនូវសាលិខិតអបអរសាទរខួបលើកទី៧០ឆ្នាំ នៃ ថ្ងៃបង្កើតគណបក្សប្រជាជនកម្ពុជា ដោយផ្តោតលើខ្លឹមសារទាក់ទងនិងសមិទ្ធផលរបស់គណបក្ស ឡូហ្គូ បដា ពាក្យស្លោក និងផ្សព្វផ្សាយឲ្យបានអធិកអធម តាមបណ្តាញព័ត៌មាននានា ដូចជាគេហទំព័រផ្លូវការ ហ្វេសបុក តេលេក្រាម មីសិនជ័រ វ៉តស្អាប់ ជាដើម៕ អត្ថបទ៖បាន ចក់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
