មន្រ្តីក្រសួងសុខាភិបាលតំបន់ហ្គាហ្សា និយាយថា ការផ្លោងគ្រាប់កាំភ្លើងរបស់អ៊ីស្រាអែលមកលើតំបន់ Al-Mawasi ទីក្រុង Khan Younis ស្ថិតតាមតំបន់ឆ្នេរភាគខាងត្បូងតំបន់ហ្គាហ្សាស្រ្ទីបដែលពេញណែនដោយជនប៉ាឡេស្ទីនរត់ភៀសខ្លួនចេញពីតំបន់ផ្សេងៗទៀតនៅដែនដីបិទច្រកមួយនេះ ។ 

មន្រ្តីរូបនោះ និយាយប្រាប់ទីភ្នាក់ងារព័ត៌មានរ៉យទ័រថា មនុស្សស្លាប់ រួមមានទាំងកុមារ ៩នាក់ផងដែរ ។ គ្រាប់កាំភ្លើងធំអ៊ីស្រាអែល បានធ្លាក់នៅជិតសំពត់តង់ដែលត្រូវបានដំឡើងដោយពលរដ្ឋជម្លៀសខ្លួន ។ 

រូបភាពវីដេអូឃ្លីបពីទីភ្នាក់ងារព័ត៌មានរ៉យទ័រ ឃើញរណ្តៅដ៏ធំមួយមានបំណែកម្ទេចកម្ទី ស្ថិតក្នុងតំបន់ Al-Mawasi ជាកន្លែងដែលរងការវាយប្រហារ ។ សាកសពមនុស្ស បានរុំនៅក្នុងកំណាត់ និងស្បោង ត្រូវបានតម្រៀបនៅក្រៅមន្ទីរពេទ្យ Nasser ស្ថិតក្នុងទីក្រុង Khan Younis ជាកន្លែងដែលមនុស្សជួបជុំគ្នាធ្វើអធិស្ឋាន ។  

ដោយឡែក រូបភាពវីដេអូឃ្លីបដែលបានបង្ហោះនៅលើបណ្តាញព័ត៌មានសង្គមប៉ាឡេស្ទីន ឃើញ សាកសពមនុស្សជាច្រើននាក់ រុំនៅក្នុងភួយនៅសាលតម្កល់សព ក្នុងមន្ទីរពេទ្យនៅទីក្រុង Khan Younis ៕