បាល់ទាត់៖ កីឡដ្ឋាន Wembley នៅទីក្រុងឡុងដ៍ចក្រភពអង់គ្លេស នឹងទទួលឱ្យមានអ្នកគាំទ្រចូលទស្សនាលើសពី ៦ម៉ឺននាក់ចាប់ពីវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រព្រឹត្តិការណ៍បាល់ទាត់ទ្វីបអឺរ៉ុប Euro ២០២០ នេះបើតាមការបញ្ជាក់របស់រដ្ឋាភិបាលអង់គ្លេស។
កាលពីថ្ងៃចន្ទកន្លងទៅ នាយករដ្ឋមន្ត្រីអ៊ីតាលី លោក Mario Draghi បានទទូចមិនចង់ឱ្យវគ្គផ្តាច់ព្រ័ត្របាល់ទាត់ទ្វីបអឺរ៉ុប Euro ២០២០ ត្រូវរៀបចំឡើងនៅកីឡដ្ឋាន Wembley ទីក្រុងឡុងដ៍ចក្រភពអង់គ្លេសឡើយ ដោយបញ្ជាក់ថា ក្នុងស្ថានភាពបែបនេះ Wembley មិនសក្តិសមជាកន្លែងសមស្របមួយ ដើម្បីទទួលការប្រកួតវគ្គផ្តាច់ព្រ័ត្រដែលមានមនុស្សច្រើនកុះករ ស្របពេលដែលប្រទេសមួយនេះ កំពុងមានករណីឆ្លងកើនឡើងខ្លាំងបែបនេះឡើយ។
ផ្ទុយទៅវិញលោក Mario Draghi មានបំណង់ចង់អោយការប្រកួតវគ្គផ្តាច់ព្រ័ត្រនេះ ធ្វើឡើងនៅទីក្រុងរ៉ូមប្រទេសអ៊ីតាលីវិញ។ Wembley នឹងបន្តទទួលការប្រកួតនៅវគ្គ ១៦ក្រុមចុងក្រោយ ២ប្រកួត, វគ្គពាក់កណ្តាលផ្តាច់ព្រ័ត្រ ១ប្រកួត និងវគ្គផ្តាច់ព្រ័ត្រ៕
អត្ថបទ៖នាង សុភាវុធ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
