នៅពេលដែលលោក ចូបៃ ដិន ( Joe Biden) បានចាប់ផ្តើមក្រុមចម្រុះកងទ័ពជើងទឹកដឹកនាំដោយសហរដ្ឋអាមេរិក ដើម្បីការពារនាវាកុងតឺន័រពីការវាយប្រហាររបស់ក្រុមឧទ្ទាមហួទី នៅសមុទ្រក្រហម វាត្រូវបានគេសន្មតថា បញ្ចប់ការរំខានដល់ពាណិជ្ជកម្មពិភពលោក។

ផ្ទុយទៅវិញ បញ្ហាកាន់តែអាក្រក់ទៅៗ ចាប់តាំងពីគំនិតផ្តួចផ្តើមនេះ ត្រូវបានប្រកាស នៅមុនបុណ្យណូ      អែល។

ក្រុមឧទ្ទាមហួទី បានបំផ្ទុះនាវាគ្មានមនុស្សបើក នៅក្នុងផ្លូវដឹកជញ្ជូន កាលពីថ្ងៃព្រហស្បតិ៍ ដូចដែលលោកឧត្តមនាវីឯកអាមេរិកម្នាក់ បានទទួលស្គាល់ថា ការវាយប្រហារ មិនបានធូរស្រាលទេ។ នៅក្នុងបទសម្ភាសន៍ជាមួយអ្នកយកព័ត៌មាន លោកឧត្តមនាវីទៅ Brad Cooper បាននិយាយថា សម្ព័ន្ធកងទ័ពជើងទឹក បានបាញ់ទម្លាក់យានដ្រូន និងមីស៊ីលចំនួន ១៩គ្រឿង ដែលបាញ់ដោយក្រុមឧទ្ទាមហួទី ក្នុងរយៈពេលមិនដល់ មួយខែផងនោះ។

កាលពីថ្ងៃចន្ទ ប្រទេសអ៊ីរ៉ង់ ដែលជាអ្នកគាំទ្រក្រុមឧទ្ទាមនេះ បានដាក់ពង្រាយនាវាចម្បាំងរបស់ខ្លួនទៅកាន់ច្រកសមុទ្រ Bab al-Mandab ដែលជាច្រកដឹកជញ្ជូនតូចចង្អៀតដែលអាចធ្វើដំណើរទៅដល់សមុទ្រក្រហម។

ក្រុមអ្នកវិភាគ បានព្រមានថា ការបន្តការវាយប្រហារ គឺជាហានិភ័យអតិផរណាថ្មីមួយ ដែលអាចរក្សាតម្លៃឲ្យឡើងកាន់តែខ្ពស់ ក្នុងរយៈពេលយូរ។

លោក Michelle Bockmann អ្នកវិភាគឈានមុខគេនៅក្រុមហ៊ុនដឹកជញ្ជូន Lloyd's List Intelligence បាននិយាថា៖«នេះគឺជាកម្រិតថ្មីទាំងមូលនៃការវាយប្រហារសម្រាប់ពាណិជ្ជកម្មពិភពលោក»។ «នេះគឺជាគោលដៅសំខាន់ ដែលគាំទ្រដោយអ៊ីរ៉ង់ជាមួយនឹងយានដ្រូន និងមីស៊ីល និងកម្រិតនៃភាពទំនើបដែលនាវានានា មិនធ្លាប់ជួបពីមុនមក»។