រុស្ស៊ី ៖ ទីភ្នាក់ងារព័ត៌មាន TASS បានដកស្រង់សម្តីឧបនាយករដ្ឋមន្ត្រីទី១ លោក Andrei Belousov ដោយបាននិយាយកាលពីថ្ងៃសៅរ៍ថា ប្រទេសរុស្ស៊ី គ្រោងនឹងផលិតយានដ្រូន ជាង ៣២.០០០ គ្រឿង ជារៀងរាល់ឆ្នាំ នៅត្រឹមឆ្នាំ ២០៣០ ហើយសម្រាប់អ្នកផលិតក្នុងស្រុក មានចំណែក៧០ភាគរយនៃទីផ្សារ។

យានដ្រូន ត្រូវបានប្រើប្រាស់យ៉ាងទូលំទូលាយដោយទីក្រុងមូស្គូ និងគីវ ចាប់តាំងពីការលុកលុយរបស់   រុស្ស៊ី នៅខែកុម្ភៈ ឆ្នាំ ២០២២ មកលើអ៊ុយក្រែន ហើយភាគីទាំងពីរ កំពុងបង្កើនផលិតកម្មយោធាយ៉ាងខ្លាំង នៅពេលដែលសង្រ្គាម នៅបន្តអូសបន្លាយ។

លោក Belousov បានប្រាប់សារព័ត៌មានTASS ថា៖«បរិមាណផលិតកម្មប្រចាំឆ្នាំនៃយានអាកាសគ្មាន មនុស្សបើក (UAVs) ដោយមិនរាប់បញ្ចូល UAVs សម្រាប់ប្រើក្នុងវិស័យអប់រំផង ត្រូវបានគ្រោងទុកនៅចំនួន ៣២,៥០០គ្រឿង។ «ចំនួននេះ គឺខ្ពស់ជាងបរិមាណផលិតកម្មបច្ចុប្បន្នជិតបីដង។

«ក្នុងពេលជាមួយគ្នានេះ វាត្រូវបានគ្រោងទុកថា ចំណែកនៃយានអាកាសគ្មានមនុស្សបើក (UAVs) របស់រុស្ស៊ី នឹងបង្កើតបាន៧០ភាគរយនៃទីផ្សារនៅក្នុងប្រភេទ UAVនេះ»។

ទីក្រុងមូស្គូ បាននឹងកំពុងប្រើប្រាស់យានដ្រូន Shahed ដែលផលិតដោយអ៊ីរ៉ង់ ដែលមានតម្លៃថោក ដែលត្រូវបានគេស្គាល់ នៅក្នុងប្រទេសអ៊ុយក្រែនសម្រាប់ម៉ាស៊ីនសាំង ដែលមិនមានសំឡេងរំខាន កាន់តែច្រើនឡើងៗ ជាញឹកញាប់នៅក្នុងការវាយលុកពីលើអាកាសលើហេដ្ឋារចនាសម្ព័ន្ធអ៊ុយក្រែន នៅឆ្ងាយពីខ្សែត្រៀមជួរមុខនៃសង្រ្គាម នៅភាគខាងកើត និងភាគខាងត្បូងនៃប្រទេសនេះ។