មីយ៉ាន់ម៉ា៖ កងកម្លាំងសន្តិសុខមីយ៉ាន់ម៉ា ដែលគាំទ្រដោយរថពាសដែកបានប៉ះទង្គិចគ្នាកាលពីថ្ងៃអង្គារ ជាមួយក្រុមជីវពលដែលទើបនឹងបង្កើតថ្មីក្នុងទីក្រុងធំបំផុតទី២ ម៉ាន់ដាឡេ ដែលបណ្ដាលឱ្យមានមនុស្សស្លាប់ និងរបួសយ៉ាងហោចណាស់ពីរនាក់ នេះបើយោងតាមសមាជិកក្រុម និងប្រព័ន្ធផ្សព្វផ្សាយ។
ចាប់តាំងពីកងទ័ពបានដណ្ដើមអំណាចកាលពីថ្ងៃទី១ ខែកុម្ភៈ និងបានទម្លាក់រដ្ឋាភិបាលជាប់ឆ្នោតរបស់លោកស្រី Aung San Suu Kyi កងកម្លាំងសន្តិសុខបានបង្ក្រាបការតវ៉ាប្រឆាំងនឹងរបបយោធា។ ជាការឆ្លើយតបក្រុមប្រឆាំងរដ្ឋប្រហារដែលគេស្គាល់ថា ជាកម្លាំងការពារប្រជាជនបានរីកសាយពេញសហភាពមីយ៉ាន់ម៉ា។ រហូតមកដល់ពេលនេះ ការប្រយុទ្ធគ្នាពាក់ព័ន្ធនឹងកងជីវពលប្រដាប់អាវុធ ត្រូវបានមើលឃើញជាច្រើននៅទីប្រជុំជនតូចៗ និងតំបន់ជនបទ ប៉ុន្តែក្រុមមួយដែលអះអាងថា ជាកម្លាំងការពារប្រជាជនថ្មីរបស់ទីក្រុងម៉ាន់ដាឡេបាននិយាយថា សមាជិករបស់ខ្លួនបានឆ្លើយតប បន្ទាប់ពីកងទ័ពបានវាយលុកមូលដ្ឋានរបស់ខ្លួនមួយកន្លែង។
សមាជិកកងជីវពលម្នាក់ដែលត្រូវបានគេស្គាល់ថា ជាអនុសេនីយ៍ឯក Tun Tauk Naing បាននិយាយតាមទូរស័ព្ទថា ការប្រយុទ្ធបានចាប់ផ្ដើម។ ហើយការប្រយុទ្ធនេះនៅមានច្រើនទៀត”។ សំឡេងនៃការបាញ់កាំភ្លើងម្តងហើយម្តងទៀត អាចត្រូវបានគេលឺនៅក្នុងវីដេអូដែលថតដោយអ្នកស្រុកក្នុងតំបន់នោះ។ ទាហានប្រហែល ២០នាក់បានវាយឆ្មក់ទៅលើក្រុមនេះ ដែលបានបង្កការប្រយុទ្ធដោយកាំភ្លើងជាមួយយោធា ដែលបានបញ្ជូនរថពាសដែកចំនួន ៣គ្រឿងទៅកាន់តំបន់នោះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
