ជនភៀសខ្លួនមួយចំនួនធំនៅតែប្រមូលផ្តុំជុំវិញមន្ទីរពេទ្យ Al-Shifa ក្នុងទីក្រុង ហ្កាហ្សា ដែលបានជួបប្រទះការខ្វះខាតសេវាចាំបាច់ ដូចជាការផ្គត់ផ្គង់ទឹក និងការងារអនាម័យ ខណៈដែលរកងទ័ពអ៊ីស្រាអែលនៅតែបន្តកាន់កាប់លើភាគខាងជើង ហ្កាហ្សា ស្ទ្រីប ជាពិសេសទីក្រុង ហ្កាហ្សា។

មន្ទីរពេទ្យ Al-Shifa ដែលជាកន្លែងព្យាបាលដ៏ធំបំផុតនៅហ្កាហ្សាស្ទ្រីបត្រូវបានវាយឆ្មក់ដោយកងកម្លាំងអ៊ីស្រាអែលកាលពីខែវិច្ឆិកា ឆ្នាំ ២០២៣។ ភាគីអ៊ីស្រាអែលបានអះអាងថាពួកគេបានធ្វើប្រតិបត្តិការប្រឆាំងនឹងក្រុមហាម៉ាសនៅក្នុងមន្ទីរពេទ្យនេះ ដោយផ្អែកលើព័ត៌មានចារកម្ម។

មន្ទីរពេទ្យនេះធ្លាប់ត្រូវបានបិទសេវាកម្មដោយសារតែកង្វះថាមពល និងការវាយប្រហាររបស់អ៊ីស្រាអែល ដែលឥឡូវនេះកំពុងបន្តប្រតិបត្តិការអប្បបរមា។ ប្រជាជនដែល បានប្រមូលផ្ដុំគ្នាកកកុញនៅជុំវិញបរិវេណពេទ្យនេះ បន្ទាប់ពីការដកទ័ពអ៊ីស្រាអែល ស្វែងរកការព្យាបាល និងជំនួយ។

លោក Osama Asama Ashi អ្នកឆ្លើយឆ្លងព័ត៌មាន China Media Group (CMG) បាននិយាយនៅមុខមន្ទីរពេទ្យ ថា ដូចដែលយើងឃើញមានជនភៀសខ្លួនជាច្រើននៅទីនេះ។ អ្នកភៀសខ្លួនជាច្រើននៅតែរស់នៅទីនេះ។ គេដឹងថាមានពលរដ្ឋភៀសខ្លួននៅទីនេះ ប្រហែល១៥.០០០នាក់ ទាំងទាំងនៅក្នុង និងក្រៅមន្ទីរពេទ្យនាពេលបច្ចុប្បន្ន។

មានតម្រូវការខ្លាំងសម្រាប់សេវាមូលដ្ឋាននៅទីនេះ។ ដោយមានតម្រូវការផ្គត់ផ្គង់ទឹកចាំបាច់បំផុត។ ដូចដែលយើងសង្កេតឃើញស្រាប់ មនុស្សកំពុងព្យាយាមដងទឹកចេញពីអណ្តូងនៅជិតមន្ទីរពេទ្យ៕