ប្រេស៊ីល៖ ក្រុមអ្នកតវ៉ាជនជាតិភាគតិចប្រេស៊ីល បានប៉ះទង្គិចគ្នាជាមួយនគរបាលនៅខាងក្រៅអគាររដ្ឋសភាជាតិ ក្នុងរដ្ឋធានីប្រេស៊ីលីយ៉ាកាលពីថ្ងៃអង្គារ។ នគរបាលបានបង្ក្រាបការតវ៉ាដោយប្រើឧស្ម័នបង្ហៀរទឹកភ្នែក កាំភ្លើងគ្រាប់ជ័រទៅលើក្រុមបាតុករជនជាតិដើមភាគតិចរាប់រយនាក់។
ចំណែកក្រុមជនជាតិដើមភាគតិចតបតវិញដោយប្រើស្នា និងលំពែងដើម្បីបញ្ចប់អ្វីដែលបានចាប់ផ្ដើមឡើងជាការតវ៉ាដោយស្ងៀមស្ងាត់។ សមាជិករាប់សិបនាក់មកពីកុលសម្ព័ន្ធជនជាតិដើមភាគតិចប្រេស៊ីលចំនួន ៤ក្រុមដែលបានបោះជំរំនៅក្បែរអគារសភាសង្ឃឹមថា នឹងបញ្ចុះបញ្ចូលឲ្យក្រុមតំណាងរាស្ត្រប្រឆាំងទៅនឹងសំណើច្បាប់មួយ ដែលនឹងបើកដៃឲ្យមានការរុក រានដីបម្រុងរបស់ពួកគេដើម្បីកាប់ព្រៃឈើ និងខួងយករ៉ែ។
ការខួងយករ៉ែ និងកាប់ព្រៃឈើខុសច្បាប់បានបង្កឲ្យមានអំពើហិង្សាកើនឡើង រវាងក្រុមកុល សម្ព័ន្ធជនជាតិដើមភាគតិចនៅលើតំបន់បម្រុងនានា និងប្រតិបត្តិការខុសច្បាប់ ដែលជាបង្ហាញពីការរឹតត្បិតលើការកេងប្រវញ្ច ផ្នែកពាណិជ្ជកម្មលើដែនដីក្រុមកុលសម្ព័ន្ធ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
