រយៈពេលបីខែក្នុងសង្រ្គាមបច្ចុប្បន្ន នៅតំបន់ហ្សា រដ្ឋមន្ត្រីការបរទេសអាល្លឺម៉ង់ លោកស្រី Annalena Baerbock កាលពីថ្ងៃអាទិត្យ បានអំពាវនាវឲ្យបញ្ចប់វដ្តនៃអំពើហិង្សា នៅមជ្ឈិមបូព៌ា។

លោកស្រី បានថ្លែងមុនពេលចាកចេញទៅកាន់ប្រទេសអ៊ីស្រាអែល ជាកន្លែងដែលខ្លួន បានជួបជាមួយប្រធានាធិបតីអ៊ីស្រាអែល លោក Isaac Herzog កាលពីថ្ងៃអាទិត្យ ហើយនឹងត្រូវជួបជាមួយរដ្ឋមន្ត្រីការបរទេសអ៊ីស្រាអែល លោក Katz ថា៖«អំពើភេរវកម្ម ត្រូវតែបញ្ចប់ តម្រូវការមនុស្សធម៌របស់ប្រជាជន ត្រូវតែបញ្ចប់ តំបន់នេះ ត្រូវតែងើបចេញឲ្យផុតពីវដ្តនៃអំពើហិង្សានេះ។

លោកស្រី បាននិយាយថា ខណៈដែលអ៊ីស្រាអែលមានសិទ្ធិការពារខ្លួនប្រឆាំងនឹងអំពើភេរវកម្ម ជនស៊ីវិលត្រូវតែត្រូវបានការពារប្រសើរជាងមុនក្នុងអំឡុងពេលប្រតិបត្តិការយោធា។

លោកស្រី Baerbock បានអំពាវនាវឲ្យមានការបង្កើនឡើងឲ្យបានច្រើននូវជំនួយមនុស្សធម៌ដល់តំបន់ហ្កា ហ្សាស្ទ្រីប ដើម្បីប្រយុទ្ធប្រឆាំងនឹងភាពស្រេកឃ្លាន ជំងឺ និងជំងឺផ្តាសាយ។

កិច្ចពិភាក្សានៅទីក្រុងហ្ស៊េរុយសាឡឹម គឺផ្តោតលើកិច្ចខិតខំប្រឹងប្រែង ដើម្បីដោះលែងចំណាប់ថ្នូរដែលត្រូវបានចាប់ខ្លួនដោយចលនាហាម៉ាសអ៊ីស្លាមប៉ាឡេស្ទីន នៅតំបន់ហ្គាហ្សាស្ទ្រីប លក្ខខណ្ឌមនុស្សធម៌សម្រាប់ប្រជាជននៅទីនោះ និងបន្តឆ្ពោះទៅរកដំណោះស្រាយរដ្ឋពីរ នៅពេលដែលសង្រ្គាមបច្ចុប្បន្ន បានបញ្ចប់។

លោកស្រី បាននិយាយថា តំបន់ហ្កាហ្សាមិនគួរត្រូវបានអនុញ្ញាតឲ្យបង្កការគំរាមកំហែងដល់អ៊ីស្រាអែលនាពេលអនាគតទេ ក្រុមហាម៉ាស គួរតែទម្លាក់អាវុធរបស់ខ្លួន ហើយកងជីវពលហេបូឡាដែលគាំទ្រដោយអ៊ីរ៉ង់ នៅលីបង់ និងក្រុមហួទីនៅប្រទេសយេម៉ែន ត្រូវបញ្ចប់សកម្មភាពដ៏គ្រោះថ្នាក់របស់ពួកគេ។

លោកស្រី បានថ្លែងទៀតថា ភាគីទាំងពីរ នឹងអាចរស់នៅដោយសន្តិភាពបាន លុះត្រាតែ«ចេះយល់ពីសុខទុក្ខគ្នាទៅវិញមក»។