កងកម្លាំងការពារអ៊ីស្រាអែល (ID) និសារព័ត៌មាន the Telegraph បានរាយការណ៍ថា ក្រុមហាម៉ាស BAបានប្រើប្រាស់អាវុធរបស់ប្រទេសចិន នៅតំបន់ហ្កាហ្សា រួមទាំងកាំភ្លើងវាយប្រហារ គ្រាប់បែកដៃ និងឧបករណ៍ទំនាក់ទំនងទំនើបៗ។

ការរកឃើញនេះ បានលើកជាសំណួរអំពីរបៀបដែលសព្វាវុធបានធ្លាក់ដល់ដៃក្រុមហាម៉ាស ដែលអាចធ្វើឲ្យទំនាក់ទំនងរវាងអ៊ីស្រាអែល និងចិន កាន់តែតានតឹងឡើង។

ការរកឃើញរបស់កងកម្លាំងការពារអ៊ីស្រាអែល ក៏រួមបញ្ចូលកាំភ្លើងវែង គ្រាប់កាំភ្លើង M16 ឧបករណ៍     ស្តាប់សំឡេង និងវិទ្យុយោធាយុទ្ធសាស្ត្រ។

ប្រភពចារកម្មរបស់អ៊ីស្រាអែល បានសង្កេតឃើញការធ្វើឲ្យប្រសើរឡើងយ៉ាងសំខាន់ នៅក្នុងអាវុធ និង        បច្ចេកវិទ្យាដែលទទួលបានដោយក្រុមហាម៉ាស ដោយបានបង្កើនការព្រួយបារម្ភអំពីថាតើការផ្គត់ផ្គង់របស់ចិន បានមកពីប្រទេសចិនដោយផ្ទាល់ ឬតាមរយៈភាគីទីបី?

ប្រភពចារកម្មរបស់អ៊ីស្រាអែល បានប្រាប់សារព័ត៌មាន The Telegraph ថា៖«នេះ គឺជាអាវុធ និងបច្ចេកវិទ្យាទំនាក់ទំនងមានគុណភាពខ្ពស់ ជាសម្ភារៈដែលក្រុមហាម៉ាស មិនធ្លាប់មានពីមុនមក ជាមួយនឹងគ្រឿងផ្ទុះដ៏ទំនើប ដែលមិនធ្លាប់មានពីមុនមក និងជាពិសេសក្នុងទ្រង់ទ្រាយធំបែបនេះ»។