កាលពីសប្តាហ៍មុន ក្នុងការឆ្លើយតបទៅនឹងការសម្លាប់រង្គាលក្រុមហាម៉ាសកាលពីថ្ងៃទី៧ ខែតុលា អ៊ីស្រាអែល បានសន្យាម្តងទៀតនូវយុទ្ធនាការធ្វើឃាត «ព្រះពិរោធនៃព្រះជាម្ចាស់» ដែលបានចាប់ផ្តើម បន្ទាប់ពីការវាយប្រហារភេរវកម្មដ៏សាហាវរបស់ប៉ាឡេស្ទីនទៅលើអត្តពលិកអ៊ីស្រាអែល នៅឯព្រឹត្តិការណ៍អូឡាំពិកទីក្រុងមុយនិក (Munich) ក្នុងឆ្នាំ ១៩៧២។

ដូចដែលខ្លួនបានធ្វើកាលពីពាក់កណ្តាលសតវត្សរ៍មុន អ៊ីស្រាអែល គ្រោងនឹងកម្ទេសអ្នកដែលខ្លួនជឿថាទទួលខុសត្រូវចំពោះប្រតិបត្តិការរបស់ក្រុមហាម៉ាសដែលបានសម្លាប់មនុស្ស ១.២០០ នាក់ ឃើញមនុស្ស ២៤០នាក់ ត្រូវបានចាប់ត្រឡប់ទៅតំបន់ហ្កាហ្សាវិញជាចំណាប់ថ្នូរ និងបានចាប់ផ្តើមសង្រ្គាមដែលគំរាមកំហែងពង្រីកទៅជាជម្លោះ ក្នុងតំបន់ដ៏ស្មុគស្មាញមួយ។

លោក David Barnea ប្រធានទីភ្នាក់ងារចារម្ម Mossad របស់អ៊ីស្រាអែល បាននិយាយកាលពីសប្តាហ៍មុនថា ទីភ្នាក់ងារ Mossad បានប្តេជ្ញាចិត្តក្នុងការដោះស្រាយករណីជាច្រើនជាមួយឃាតករនៅពីក្រោយការវាយប្រហារថ្ងៃទី៧ ខែតុលា។

ក្នុងការធ្វើដូច្នេះ អ៊ីស្រាអែលប្រហែលជាកំពុងព្យាយាមធ្វើសេចក្តីថ្លែងការណ៍មួយ ហើយបង្វែរអ្នកតាមស្វែងរកគេ ឲ្យទៅជាអ្នកដែលត្រូវគេតាមស្វែងរកវិញ។