អាជ្ញាធរសុវត្ថិភាពដឹកជញ្ជូនជាតិរបស់សហរដ្ឋអាមេរិកឬ(NTSB) បានធ្វើការត្រួតពិនិត្យយន្ដហោះដឹកអ្នកដំណើរបូអ៊ីង (Boeing)របស់ក្រុមហ៊ុនអាកាសចរណ៍អាឡាស្កា អ៊ែរឡាញ (Alaska Airlines) កាលពីថ្ងៃអាទិត្យទី៧ មករាដែលត្រូវបានផ្អាកដំណើរការ បានបង្ក្ហាញថា គន្លឹះទ្វារមួយ ដែលបានបាត់ ត្រូវបានគេរកឃើញនៅទីធ្លាមួយដែលស្ថិតនៅជាយក្រុង ផតលែន(Portland)បន្ទាប់ពីវាបានប៉ើងពាក់កណ្ដាលអាកាស។

ការរបើកទ្វារយន្ដហោះនេះ គឺស្ថិតនៅផ្នែកខាងឆ្វេងយន្ដហោះកាលពីថ្ងៃសុក្រទី៥មករា បន្ទាប់ពីបានហោះចេញពីក្រុងផតលែន រដ្ឋអ៊័ររីហ្គិន(Oregon)នៅក្នុងដំណើរផ្លូវទៅក្រុងអង់តារីយ៉ូ(Ontario)រដ្ឋ

កាលីហ្វ័រញ៉ា និងបានធ្វើអោយយន្ដហោះមិនមានអុកស៊ីសែនគ្រប់គ្រាន់ ហើយបានបង្ខំឲ្យអាកាសយានិក ត្រូវវឹលត្រឡប់ទៅក្រោយវិញ ហើយចុះចតដោយសុវត្ថិភាពជាមួយនឹងអ្នកដំណើរទាំងអស់១៧១នាក់ និងក្រុមយានិក៦នាក់ទៀតផង។

យោងតាមប្រធានអាជ្ញាធរសុវត្ថិភាពដឹកជញ្ជូនជាតិរបស់សហរដ្ឋអាមេរិកឬ(NTSB)អ្នកស្រី ជេននីហ្វើរ បានអោយដឹងថា ទ្វារយន្ដហោះដែលបាត់នោះ ត្រូវបានរកឃើញវិញកាលពីថ្ងៃអាទិត្យដោយគ្រូបង្រៀនម្នាក់នៅផតលែន(Portland) ដែលមានឈ្មោះ បប(Bob) ដែលបានប្រទះឃើញវានៅក្នុងទីធ្លាក្រោយផ្ទះរបស់លោក ស្ថិតនៅសង្កាត់សេដា ហ៊ីល(Cedar Hills) ហើយអ្នកស្រីបាននិយាយថា អ្នកស្រីពិតជាមានអារម្មណ៍ធូរស្រាលនៅពេលដែលគេបានរកឃើញទ្វារយន្ដហោះនោះវិញ។