អារ៉ាប៊ីសាអ៊ូឌីត មានច្រាំងសមុទ្រក្រហមប្រវែងជិត ១.០០០ម៉ាយ ដែលមានកំពង់ផែធំៗជាច្រើន ហើយបានប្រយុទ្ធនឹងសង្រ្គាមបង្ហូរឈាមជិតមួយទសវត្សរ៍ជាមួយក្រុមឧទ្ទាមហួទី ក្នុងប្រទេសយេម៉ែន ដែលនៅជិតខាង។

ទោះបីជាយ៉ាងនេះក្តី ទីក្រុងរីយ៉ាដ គឺស្ថិតក្នុងចំណោមប្រជាជាតិអារ៉ាប់ភាគច្រើន ដែលបានឆ្លងកាត់ការចូលរួមក្នុងប្រតិបត្តិការការពារភាពរុងរឿង (OPG)។ ប្រតិបត្តិការដែលដឹកនាំដោយសហរដ្ឋអាមេរិក ត្រូវបានបង្កើតឡើង កាលពីខែមុន ដើម្បីផ្តល់សន្តិសុខកាន់តែខ្លាំងសម្រាប់កនាវាដែលឆ្លងកាត់សមុទ្រក្រហម ឈូងសមុទ្រ Aden និងច្រកសមុទ្រ Bab al-Mandab។

លោកឧត្តមនាវីទោអារ៉ាប៊ីសាអ៊ូឌីត ដែលចូលនិវត្តន៍ Hatem Albesher បានប្រាប់សារព័ត៌មាន The War Zone ថា មានហេតុផលជាច្រើនដែលបារ៉ែនជាប្រទេសអារ៉ាប់តែមួយគត់ដែលលរួមជាមួយប្រតិបត្តិការការពារភាពរុងរឿង (OPG)។ គំនិតរបស់លោក បញ្ជាក់បន្ថែមលើការវិភាគដំបូងរបស់យើងអំពីភាពចលាចល នៅសមុទ្រក្រហម ហើយអ្នកណានឹងចូលរួមក្នុងការដោះស្រាយវា ហើយហេតុអ្វី។

លោក Albesher ដែលបច្ចុប្បន្នជាប្រធានមជ្ឈមណ្ឌលប្រឹក្សា និងសេវាកម្មដែនសមុទ្រអារ៉ាប៊ីសាអ៊ូឌីត ដែលត្រូវបានបង្កើតឡើង ដើម្បីលើកកម្ពស់កំណើន និងការអភិវឌ្ឍប្រកបដោយចីរភាពនៃឧស្សាហកម្មដែនសមុទ្ររបស់ប្រទេសអារ៉ាប៊ីសាអ៊ូឌីត បាននិយាយថា មូលហេតុចម្បងក្នុងចំណោមហេតុផលដែលនាំឲ្យភាពច្របូកច្របល់នៅអារ៉ាប់នេះ គឺសង្រ្គាមអ៊ីស្រាអែល-ហាម៉ាស ដែលកំពុងបន្ត។

លោកបានបន្ថែមថា៖«បច្ចុប្បន្ននេះ ក្រៅពីបារ៉ែន ប្រទេសអារ៉ាប់ មិនបានចូលរួមដោយផ្ទាល់ក្នុងប្រតិបត្តិការនោះទេ»។«នេះគឺដោយសារតែពួកគេអាចមានត្រៀមខ្លួនអំពីការចូលរួមក្នុងក្រុមចម្រុះ ដែលមានគោលបំណងគាំទ្រអ៊ីស្រាអែល និងប្រឆាំងនឹងផលប៉ះពាល់សេដ្ឋកិច្ច»។