ក្រុមហ៊ុន OpenAI បានបង្ហាញជាសាធារណៈនូវពាក្យបណ្តឹងពីសារព័ត៌មាន New York Times នៅក្នុងការបង្ហោះក្នុងប្លុក ដែលមានពាក្យសម្ដីខ្លាំងៗ កាលពីថ្ងៃទី៨ ខែមករា ដោយនិយាយថា ពាក្យបណ្តឹងរបស់សារព័ត៌មាននេះ គឺ «មិនប្រាប់រឿងអស់ទាំងស្រុង» នោះទេ អំពីការប្រើប្រាស់ទិន្នន័យរបស់សារព័ត៌មាននេះ។

បណ្តឹងដែលបានប្តឹងកាលពីខែធ្នូឆ្នាំមុន អះអាងថា ក្រុមហ៊ុន OpenAI និងអ្នកវិនិយោគធំជាងគេ គឺក្រុមហ៊ុន Microsoft Corp ពឹងផ្អែកលើអត្ថបទដែលបានរក្សាសិទ្ធិ ដើម្បីបង្កើតកម្មវិធីបច្ចេកវិទ្យា ChatGPT Chatbot ដ៏ពេញនិយម និងមុខងារបញ្ញាសិប្បនិម្មិត (AI) ផ្សេងទៀត។ ពាក្យបណ្តឹងនេះ បានចង្អុលបង្ហាញឧទាហរណ៍នៃកម្មវិធី Chatbot បង្កើតឡើងវិញនូវបំណែកនៃអត្ថបទដែលទាញស្ទើរតែទាំងស្រុងនូវពាក្យសម្តីពីរឿងរ៉ាវនានារបស់សារព័ត៌មាន New York Times។

ក្រុមហ៊ុន OpenAI បាននិយាយថា ប្រភេទនៃការបញ្ជាក់ឡើងដែលសារព័ត៌មាន និយាយសំដៅនៅក្នុងពាក្យបណ្តឹងថ្មីៗនេះ គឺជា «កំហុសដ៏កម្រ» ដែលក្រុមហ៊ុនកំពុងធ្វើការដើម្បីជំរុញឲ្យដល់កម្រិតសូន្យ។ ក្រុមហ៊ុន OpenAI ក៏បាននិយាយដែលថា សារព័ត៌មាន New York Times អាចនឹងមានការបំផុសគំនិតដោយចេតនា និងជ្រើសរើសគំរូរបស់ពួកគេពីការប៉ុនប៉ងជាច្រើន។

នៅក្នុងការឆ្លើយតបទៅនឹងការបង្ហោះរបស់ប្លុកនេះ មេធាវីរបស់សារព័ត៌មាន New York Times បាននិយាយថា ការចាប់ផ្តើម បានរួមបញ្ចូលសារព័ត៌មានរបស់ New York Times ក្នុងការបង្កើតផលិតផលរបស់ខ្លួន៕