អ្នកនាំពាក្យក្រសួងការបរទេស អ៊ីរ៉ង់ លោក Nasser Kanaani បាននិយាយថា ភាពអសន្តិសុខ អស្ថិរភាព និងភាពតានតឹង នៅអាស៊ីខាងលិច ដើមហេតុដោយសារវត្តមានយោធាសហរដ្ឋអាមេរិក និងការធ្វើអន្តរាគមន៍នៅក្នុងតំបន់។ លោកបានថ្លែងដូច្នេះ នៅក្នុងសន្និសីទសារព័ត៌មានប្រចាំសប្តាហ៍នៅក្នុងរដ្ឋធានីតេអេរ៉ង់ ប្រទេសអ៊ីរ៉ង់ ខណៈធ្វើអត្ថាធិប្បាយលើភាពតានតឹងកាលពីពេលថ្មីៗ រវាងកងកម្លាំងសហរដ្ឋអាមេរិក និងក្រុមតស៊ូ នៅក្នុងប្រទេសអ៊ីរ៉ាក់ និងរដ្ឋប្រចាំតំបន់ផ្សេងទៀត។

លោក Kanaani និយាយថា ភាពអសន្តិសុខ អស្ថិរភាព និងភាពតានតឹងភាគច្រើន នៅក្នុងតំបន់មានដើមហេតុមកពីនយោបាយរបស់ដ្ឋាភិបាល យោធា និងអន្តរាគមន៍សន្តិសុខ របស់អាមេរិក នៅក្នុងតំបន់ ព្រមទាំងការគាំទ្រគ្មានលក្ខខណ្ឌ និងមិនកំណត់ សម្រាប់ប្រទេសអ៊ីស្រាអែល។

ការថ្លែងលើកឡើងរបស់លោក Kanaani ធ្វើឡើងបន្ទាប់ពីការវាយប្រហារមួយ ធ្វើឡើងដោយយោធាអាមេរិក ទៅលើក្រុមតស៊ូ Hashd Shaabi នៅទីក្រុងបាដាដភាគខាងកើត បណ្តាលឲ្យមនុស្ស៣នាក់ស្លាប់ រួមមានទាំងមេដឹកនាំក្រុម Harakat al-Nujaba ម្នាក់ ដែលជាផ្នែកនៃក្រុម Hashd Shaabi ។

នាយករដ្ឋមន្ត្រីអ៊ីរ៉ាក់ លោក Mohammed Shia' al-Sudani បាននិយាយថា រដ្ឋាភិបាលរបស់លោក នឹងចាប់ផ្តើមពិភាក្សាឆាប់ៗ ជាមួយក្រុមចម្រុះដឹកនាំដោយសហរដ្ឋអាមេរិកនៅក្នុងប្រទេសអ៊ីរ៉ាក់ តាមរយៈគណៈកម្មការមួយ ដើម្បីរៀបចំការដកកងទ័ពបរទេស ជាចំណាត់ការមួយដែលលោកនិយាយថាជាការផ្តាជ្ញាចិត្តមួយដែលរដ្ឋាភិបាលនិងមិនចុះចាញ់ឡើយ។