នៅក្នុងការសន្ទនាតាមទូរស័ព្ទ ប្រធានាធិបតីអ៊ុយក្រែន លោក វ៉ូឡូមៀ ហ្សេឡិនស្គី (Volodymyr Zelenskyy) បានថ្លែងអំណរគុណដល់លោក Sheikh Tamim bin Hamad Al Thani ដែលជាមេដឹកនាំ នៃប្រទេសកាតាសម្រាប់តួនាទីសម្របសម្រួលរបស់លោក ក្នុងការដោះលែងកុមារអ៊ុយក្រែន ដែលត្រូវបាននិរទេសដោយខុសច្បាប់ ដោយប្រទេសរុស្ស៊ី។

សូមអរគុណចំពោះតួនាទីសម្របសម្រួលដ៏សំខាន់របស់ប្រទេសកាតា និងជំហរផ្ទាល់ខ្លួនរបស់លោក Sheikh ក្នុងការដោះលែងកុមារអ៊ុយក្រែនដែលត្រូវបាននិរទេសដោយខុសច្បាប់ដោយប្រទេសរុស្ស៊ី។ យើងបានពិភាក្សាអំពីការសម្របសម្រួលបន្ថែមទៀត នៅក្នុងតំបន់នេះ។

ខ្ញុំបានកត់សម្គាល់ការរួមចំណែករបស់កាតាចំនួន ២០លានដុល្លារអាមេរិកចំពោះគ្រាប់ធញ្ញជាតិពីគំនិតផ្តួចផ្តើមរបស់អ៊ុយក្រែន ហើយបានធានាចំពោះមេដឹកនាំកាតាថា ទោះបីជាមានការប៉ុនប៉ងរបស់រុស្ស៊ីក្នុងការរំខានដល់ឧស្សាហកម្មដឹកជញ្ជូនស៊ីវិលនៅសមុទ្រខ្មៅក៏ដោយ ក៏អ៊ុយក្រែននឹងបន្តជាអ្នកធានាសន្តិសុខស្បៀងពិភពលោក»។

ពួកក៏បានពិភាក្សាអំពីការបន្តការងារលើការអនុវត្តរូបមន្តសន្តិភាពអ៊ុយក្រែន និងការរៀបចំកិច្ចប្រជុំកំពូលសន្តិភាពសកលនាពេលខាងមុខ។ លោកហ្សេឡិនស្គី បានអញ្ជើញតំណាងប្រទេសកាតាទៅចូលកិច្ចប្រជុំបន្ទាប់នៃក្រុមទីប្រឹក្សានៅទីក្រុងDavos ប្រទេសស្វ៊ីស។