អាជ្ញាធរសុវត្ថិភាពដឹកជញ្ជូនជាតិរបស់សហរដ្ឋអាមេរិកឬ(NTSB)បាននិយាយកាលពីថ្ងៃច័ន្ទថា ខ្លួនមិនទាន់អាចប្រាប់បាននៅឡើយថាតើបន្ទះទ្វារបន្ទប់បើកបរដែលបានរកឃើញក្រោយពីប៉ើងចេញពីយន្ដហោះដឹកអ្នកដំណើរបូអ៊ីង737 MAX 9របស់ក្រុមហ៊ុនអាកាសចរណ៍ អាឡាស្កា អ៊ែរឡាញ នៅកណ្ដាលអាកាសកាលពីសប្ដាហ៍មុននោះ ត្រូវបានគេបិទជិតត្រឹមត្រូវដែរឬយ៉ាងណាទេ

វិស្វករអាជ្ញាធរសុវត្ថិភាពដឹកជញ្ជូនជាតិរបស់សហរដ្ឋអាមេរិក លោកក្លីន គ្រូកសេង(Clint Crookshanks) បានប្រាប់សន្និសីទសារព័ត៌មានក្នុងក្រុងផតលែនថា អាជ្ញាធរសុវត្ថិភាពដឹកជញ្ជូនជាតិ មិនទាន់រកឃើញបាឡុង៤ទៀត ដែលទប់ទ្វារកុំអោយរបើកចេញនោះ នៅឡើយទេ។ ហើយយើងក៏នៅមិនសម្រេចយ៉ាងណាដែរ ប្រសិនបើបាឡុងទាំងនោះ នៅមានភ្ជាប់ទីនោះដដែល។

ការអត្ថាធិប្បាយនេះ បានធ្វើឡើង បន្ទាប់ពី ក្រុមហ៊ុនអាកាសចរណ៍ អាឡាស្កា អ៊ែរឡាញ និងប្រតិបត្ដករ

យន្ដហោះបូអ៊ីហើង 737 MAX 9 របស់អាមេរិកផ្សេងទៀត ដែលជាក្រុមហ៊ុនអាកាសចរណ៍យូណាយធីត អ៊ែរឡាញ បាននិយាយកាលពីថ្ងៃច័ន្ទថា ពួកគេមិនបានរកឃើញបំណែកជាច្រើនដែលបាត់នៅលើយន្ដហោះដែលកំពុងជួសជុលនៅឡើយទេ ហើយវាចោទជាការព្រួយបារម្ភថ្មីមួយទៀតនៅក្នុងចំណោមអ្នកជំនាញឧស្សាហកម្មអំពីរបៀបយន្ដហោះប្រភេទបូអ៊ីងដែលត្រូវបានគេផលិតឡើងលក់ដាច់បំផុតនោះ។

អាជ្ញាធរអាកាសចរណ៍សហព័ន្ធ(FAA) បានផ្អាកប្រើប្រាស់យន្ដហោះប្រភេទ 171 MAX 9 កាលពីថ្ងៃសៅរ៍ទី៦មករា បន្ទាប់ពីបន្ទះទ្វារមួយបានប៉ើងចេញពីយន្ដហោះដឹកអ្នកដំណើរ របស់ក្រុមហ៊ុនអាកាសចរណ៍Alaska Airlines បន្ទាប់ពីបានហោះចេញពីអាកាសយានដ្ឋានក្រុងផតលែនរដ្ឋអូរេហ្គិនបានបន្ដិច កាលពីថ្ងៃសុក្រទី៥មករា ហើយបានបង្ខំអោយអាកាសយាននិកប្រញាប់ចុះចតដោយសុវត្ថិភាព៕