ពិធីបុណ្យ Spring Festival Travel Rush (ការធ្វើដំណើរកម្សាន្តពិធីបុណ្យនិទាឃរដូវ) ប្រចាំឆ្នាំរបស់ប្រទេសចិន ឬហៅថា Chunyun នឹងចាប់ផ្តើមនៅថ្ងៃទី២៦ ខែមករា ហើយនឹងមានរយៈពេល ៤០ថ្ងៃ។ នេះបើយោងតាមអាជ្ញាធរអាកាសចរណ៍ស៊ីវិលរបស់ប្រទេសនេះ កាលពីថ្ងៃចន្ទ(ទី៨ ខែមករា)។

នៅឯសន្និសីទសារព័ត៌មាន នាទីក្រុងប៉េកាំង រដ្ឋបាលអាកាសចរណ៍ស៊ីវិលចិន (CAAC) បានឲ្យដឹងថា ខ្លួនប៉ាន់ប្រមានថា នៅឆ្នាំនេះ ការធ្វើដំណើររបស់អ្នកដំណើរតាមផ្លូវអាកាស ក្នុងអំឡុងពេលនេះ នឹងឡើងដល់ ៨០លាននាក់ ដោយកើនឡើងជិត ១០ភាគរយ ធៀបនឹងកម្រិតមុនមានជំងឺរាតត្បាត ហើយបរិមាណអ្នកដំណើរជាមធ្យមប្រចាំថ្ងៃ អាចឡើងដល់កម្រិតខ្ពស់បំផុតចំនួន ២លាននាក់។

លំហូរអ្នកធ្វើដំណើរដែលរំពឹងទុកនេះ នឹងត្រូវបានរួមចំណែកដោយជើងហោះហើរជាមធ្យម ១៦.៥០០ជើង ក្នុងមួយថ្ងៃ ដែលធានាបាននូវការដឹកជញ្ជូនដ៏រលូន សម្រាប់ជាតិទាំងមូល។

ដោយរួមបញ្ចូលនៃការទៅលេងគ្រួសារ ការផ្លាស់ប្ដូរទីតាំងថ្មីរបស់សិស្សនិស្សិត ការធ្វើដំណើរទាក់ទងនឹងការងារ និងទេសចរណ៍កម្សាន្ត ដែលជានិន្នាការ «ត្រឡប់មកផ្ទះ បូកនឹងវិស្សមកាល» ត្រូវបានកំណត់ដើម្បីគ្របដណ្តប់លើគំរូនៃការធ្វើដំណើរ នាឆ្នាំនេះ៕