ក្រុមឆ្មាំល្បាតឆ្មេរនិយាយថា នៅថ្ងៃពុធនេះ ក្រិក បានជួយសង្រ្គោះជនអន្តោប្រវេសន៍ ១៨នាក់ និងបានរកឃើញសាកសពមនុស្ស ២នាក់ ដែលជាស្រ្តីម្នាក់ និងបុរសម្នាក់ នៅជិតឆ្នេរថ្មលើកោះ Lesbos ។ 

មន្រ្តីឆ្មាំល្បាតឆ្នេរម្នាក់ និយាយថា ជនអន្តោប្រវេសន៍ទាំងនេះ ត្រូវបានគេមានជំនឿថា បានធ្វើដំណើរមកដល់កោះតាមទូក ពេលដែលជួបខ្យល់បក់ខ្លាំងនៅក្នុងសមុទ្រអេហ្សេ ។

លោកបន្តថា មាននូវមនុស្ស ៣៦នាក់នៅលើទូក ហើយមនុស្សមួយចំនួន បានលោតចូលក្នុងសមុទ្រ ។ ក្រុមឆ្មាំល្បាតឆ្មេរ និងក្រុមនគរបាល កំពុងរុករកមនុស្សបន្ថែមទៀតនៅតាមឆ្នេរ ។

ក្រិកបានក្លាយជាខ្សែជួរមុខនៃវិបត្តិជនអន្តោប្រវេសន៍ឆ្នាំ ២០១៥ ពេលដែលមនុស្សជាង ១លាននាក់ ភាគច្រើនគឺជាជនភៀសខ្លួនស៊ីរី បានធ្វើដំណើរឆ្លងកាត់ចេញពីទួរគី មកកាន់ប្រទេសនៅអឺរ៉ុបមួយនេះ តាមសមុទ្រ ។ ជនអន្តោប្រវេសន៍ បានធ្លាក់ចុះច្រើន មុនពេលកើនឡើងវិញម្តងទៀតក្នុងឆ្នាំនេះ ៕