រដ្ឋាភិបាលរបស់ប្រទេសប៉េរូកាលពីថ្ងៃអង្គារ បានប្រកាសថា ខ្លួននឹងដាក់ពង្រាយភ្លាមៗនូវក្រុមនគរបាល ទៅកាន់ព្រំដែនរបស់ខ្លួនជាមួយប្រទេសអេក្វាឌ័រ ដើម្បីពង្រឹងសន្តិសុខ ចំពេលមានអំពើហិង្សា កើនឡើងនៅក្នុងប្រទេសជិតខាងនេះ។

រដ្ឋាភិបាល បានអំពាវនាវឲ្យមាន «ការបញ្ជូនជាបន្ទាន់»នូវនគរបាលនៃនាយកដ្ឋានប្រតិបត្តិការពិសេសរបស់អគ្គស្នងការនគរបាលជាតិ(Diroes)។

ទន្ទឹមនឹងនេះ ប្រព័ន្ធផ្សព្វផ្សាយក្នុងស្រុក បានរាយការណ៍ថា នៅក្នុងតំបន់ព្រំដែននៃទីក្រុង Tumbes ចំនួនមន្ត្រីនគរបាល ត្រូវបានកើនឡើងដល់ ៤០០ នាក់ ខណៈដែលសមាជិកក្រុមការងារ Diroes ប្រហែល ៥០នាក់ កំពុងធ្វើដំណើរទៅកាន់ព្រំដែនប្រវែង ១.៥00 គីឡូម៉ែត្រ។

ទីភ្នាក់ងារព័ត៌មានផ្លូវការរបស់ប៉េរូ Andina បាននិយាយថា ប្រជាពលរដ្ឋ កំពុងឆ្លងកាត់ព្រំដែនអន្តរជាតិរវាងប្រទេសប៉េរូ និងអេក្វាឌ័រ «ក្រោមវិធានការសន្តិសុខយ៉ាងតឹងរ៉ឹង»។

រដ្ឋាភិបាលរបស់ប្រទេសប៉េរូកាលពីថ្ងៃអង្គារ បានប្រកាសភាពអាសន្ននៅតាមព្រំដែនភាគខាងជើងរបស់ខ្លួនជាមួយអេក្វាឌ័រ ដោយសារការកើនឡើងនៃអំពើហិង្សាដែលបង្កឡើងដោយក្រុមឧក្រិដ្ឋជន នៅក្នុងប្រទេសជិតខាង។