នាយករដ្ឋមន្រ្តីអ៊ីស្រាអែលលោក Benjamin Netanyahu បាននិយាយនៅក្នុងសេចក្តីថ្លែងការណ៍ផ្សាយលើកញ្ចក់ទូរទស្សន៍កាលពីថ្ងៃពុធថា អ៊ីស្រាអែលគ្មានបំណងកាន់កាន់តំបន់ហ្គាហ្សាជាអចិន្រ្តៃយ៍នោះទេ ។

លោកបន្តថា គោលបំណងរបស់ពួកយើង គឺចង់កម្ចាត់ក្រុមភេរវករហាម៉ាស់នៅតំបន់ហ្គាហ្សា និងរំដោះចំណាប់ថ្នូររបស់ពួកយើង ។ ពេលដែលគោលដៅមួយនេះ សម្រេចបានហើយ តំបន់ហ្គាហ្សា អាចនឹងគ្មានយោធា និងលែងរ៉ាឌីកាលនិយមដូចមុន ។

អ៊ីស្រាអែល និយាយនៅក្នុងសប្តាហ៍នេះថា ពួកគេមានផែនការចាប់ផ្តើមដកទ័ពមកវិញ យ៉ាងហោចណាស់ចេញពីតំបន់ភាគខាងជើងហ្គាហ្សា ក្រោយរយៈពេលច្រើនសប្តាហ៍នៃសំពាធរបស់សហរដ្ឋអាមេរិក ឲ្យបន្ធូបន្ថយប្រតិបត្តិការសឹករបស់ពួកគេ និងផ្លាស់ប្តូរចំពោះអ្វីដែលទីក្រុងវ៉ាស៊ីងតោននិយាយថា វាគួរតែជាយុទ្ធនាការវាយប្រហារគោលដៅជាងមុន ។

ប៉ុន្តែការប្រយុទ្ធគ្នានៅតែខ្លាំងក្លាដូចមុនដដែល ជាពិសេសនៅតំបន់ភាគខាងត្បូង និងតំបន់ភាគកណ្តាលហ្គាហ្សា ជាកន្លែងដែលកងកម្លាំងអ៊ីស្រាអែល បើកការវាយប្រហារតាមជើងគោកកាលពីខែមុន ។

អ៊ីស្រាអែល បានសម្លាប់ជនប៉ាឡេស្ទីនជាង ២៣.០០០នាក់ នៅតំបន់ហ្គាហ្សា ចាប់តាំងពីពួកគេ បើកយុទ្ធនាការសឹករបស់ខ្លួនដើម្បីបោសសម្អាតិក្រុមជីវពលហាម៉ាស់ ដែលគ្រប់គ្រងតំបន់បិទច្រកមួយនេះ បន្ទាប់ពីក្រុមសកម្មប្រយុទ្ធហាម៉ាស់ សម្លាប់ពលរដ្ឋអ៊ីស្រាអែល ១.២០០នាក់ និងចាប់ចំណាប់ថ្នូរ ២៤០នាក់ កាលពីថ្ងៃទី ៧ ខែតុលា ។

ក្រុមអាជ្ញាធរសុខភាពប៉ាឡេស្ទីន បានប៉ាន់ប្រមាណថា ប្រហែល ៤០ភាគនៃអ្នកត្រូវបានសម្លាប់ មានអាយុក្រោម ១៨ឆ្នាំ ៕