ប្រទេសអាល្លឺម៉ង់ បានបន្តការផ្គត់ផ្គងសព្វាវុធទៅឲ្យអារ៉ាប៊ីសាអ៊ូឌីតជាមួយនឹងការបញ្ជូនមីស៊ីលបាញ់ពីអាកាសទៅអាកាសសម្រាប់យន្តហោះចម្បាំង Eurofighter។

ការសម្រេចនេះ បានបញ្ជាក់ នៅក្រោមការហាមឃាត់ការលក់អាវុធ ដែលបានចាប់ផ្តើមបន្ទាប់ពីការសម្លាប់អ្នកសារព័ត៌មាន លោក Jamal Khashoggi ក្នុងឆ្នាំ ២០១៨។

ក្រុមប្រឹក្សាសន្តិសុខសហព័ន្ធអាល្លឺម៉ង់ បានអនុម័តការបញ្ជូនមីស៊ីល IRIS-T ចំនួន ១៥០គ្រាប់ ទៅកាន់ទីក្រុងរីយ៉ាដ នេះបើយោងតាមឯកសាររបស់រដ្ឋាភិបាលដែលត្រូវបានឃើញដោយទីភ្នាក់ងារសារព័ត៌មានរ៉យទ័រ និងទស្សនាវដ្តីអាល្លឺម៉ង់Spiegel។

រដ្ឋាភិបាលអាល្លឺម៉ង់ បាននិយាយនៅដើមសប្តាហ៍នេះថា ខ្លួននឹងមិនរារាំងសំណើរបស់អង់គ្លេសក្នុងការលក់យន្តហោះចម្បាំង Eurofighter បន្ថែមទៅឲ្យអារ៉ាប៊ីសាអ៊ូឌីតទៀតទេ។

គម្រោង Eurofighter គឺជាការបណ្តាក់ទុនរួមគ្នារវាងចក្រភពអង់គ្លេស អាល្លឺម៉ង់ អ៊ីតាលី និងអេស្ប៉ាញ។

សេចក្តីប្រកាសទាំងពីរនេះ គឺជាការផ្លាស់ប្តូរដ៏សំខាន់មួយនៅក្នុងគោលនយោបាយសម្រាប់ប្រទេសអាល្លឺម៉ង់ ដែលបានដាក់បម្រាមលើការនាំចេញអាវុធទៅកាន់ប្រទេសអារ៉ាប៊ីសាអ៊ូឌីត បន្ទាប់ពីមានឃាតកម្មលើលោក Jamal Khashoggi អ្នករិះគន់ថ្នាក់ដឹកនាំអារ៉ាប៊ីសាអ៊ូឌីត និងជាអ្នកសរសេរអត្ថបទរបស់សារព័ត៌មាន Washington Post។