ពេលដែលក្មេងស្រី Laila al-Sultan អាយុ ៧ឆ្នាំភ្ញាក់ឡើងពេលយប់ នាងស្រែកយំរកឪពុករបស់នាងដែលត្រូវបានសម្លាប់ក្នុងការវាយប្រហារតាមច្រអាកាសរបស់អ៊ីស្រាអែលដែលបានធ្វើឲ្យជើងរបស់នាងរងរបួសផងដែរនៅក្នុងសង្រ្គាមហ្គាហ្សា និងជាសង្រ្គាមធ្វើឲ្យក្មេងៗក្លាយជាកុមារកំព្រាគ្មានឪពុកម្តាយ គ្មានម្តាយ ឬគ្មានឪពុក ។

នាង និងប្អូនប្រុស Khaled អាយុ ៤ឆ្នាំ រមៀលលើឥដ្ឋក្នុងខ្ទមកំសត់ជាកន្លែងដែលបច្ចុប្បន្នពួកគេរស់នៅ ស្របពេលដែលមនុស្សគ្មានផ្ទះសម្បែងរស់នៅក្នុងទីក្រុងសំពត់តង់ Rafah ប្រឈមនឹងជីវិតគ្មានឪពុក ពេលដែលម្តាយរបស់ពួកគេពិបាកចិញ្ចឹមពួកគេ នៅក្នុងដែនដីក្លាយជាគំនរបាក់បែកមួយនេះ ។

ក្មេងប្រុស Khaled ដែលអង្គុយលើភ្លៅបងស្រី Laila និយាយថា ផ្ទះបានបាក់សង្កត់លើពួកយើង ហើយប៉ា បានទៅឋានសួគ៌បាត់ហើយ ហើយគាត់សប្បាយខ្លាំងណាស់ ។

ក្មេងស្រី Laila មានដង្កៀបដែកអបជើងរបួសរបស់នាង និងមានសម្លាកនៅលើមុខ និងប្រអប់ជើងរបស់នាង ។

នៅក្នុងសំពត់តង់មួយទៀតនៅទីក្រុង Rafah ក្មេងប្រុស Ahmed al-Saker អាយុ ១៣ឆ្នាំ បានយំពេលដែលគាត់រលាកភ្លើងដំាទឹកក្តៅ ហើយក្មេងប្រុសបាននឹកឃើញឪពុករបស់គេ ដែលត្រូវបានសម្លាប់អំឡុងការវាយប្រហារលើផ្ទះរបស់ពួកគេ ។ ក្មេងប្រុសនិយាយពេលជូតទឹកភ្នែកថា គាត់ធ្លាប់ច្រៀងឲ្យខ្ញុំស្តាប់ ហើយឱបខ្ញុំ និងពរខ្ញុំ មុនពេលខ្ញុំគេងលក់ ៕