ឯកអគ្គរដ្ឋទូតចិនលោកចាង ជុន (Zhang Jun) បានពន្យល់ពីហេតុផលដែលខ្លួនបោះឆ្នោតអនុបវាទលើសេចក្តីសម្រេចរបស់ក្រុមប្រឹក្សាសន្ដិសុខសហប្រជាជាតិស្ដីពីភាពតានតឹងនៅសមុទ្រក្រហម កាលពីថ្ងៃពុធ ដោយអំពាវនាវ អោយមានតួនាទីប្រកបដោយការស្ថាបនាក្នុងការបន្ធូរភាពតានតឹង និងបានព្រមានពីការបកស្រាយខុសណាមួយ និងការរំលោភលើសេចក្តីសម្រចនោះ។

សេចក្តីសម្រេចលេខ២៧២២របស់ក្រុមប្រឹក្សាសន្ដិសុខសហប្រជាជាតិ ថ្កោលទោសការវាយប្រហាររបស់ក្រុមហ៊ូធី នៅក្នុងពាក្យពេចន៍ធ្ងន់ៗ លើនាវាជាច្រើនក្នុងតំបន់សមុទ្រក្រហមចាប់តាំងពីខែវិច្ឆិកាឆ្នាំ២០២៣ និងបាន ទាមទារអោយកងទ័ពហ៊ូធីបញ្ឈប់ការវាយប្រហារទាំងអស់ជាបន្ទាន់។

សេចក្តីសម្រេចនេះត្រូវបានអនុម័តដោយសំឡេងឆ្នោតគាំទ្រ១១ គ្មានសំឡេងជំទាស់ ចំណែកចិនបានបោះឆ្នោតអនុបវាទជាមួយប្រទេសអាល់ហ្សេរី និងប្រទេសរុស្ស៊ី។

លោកចាង បាននិយាយថា ចិនបានចូលរួមនៅក្នុងការពិគ្រោះយោបល់ប្រកបដោយការស្ថាបនា ប៉ុន្ដែពង្រាងសេចក្តីសម្រេចនេះមិនមានភាពច្បាស់លាស់ទៅបញ្ហាសំខាន់ជាច្រើន ដែលធ្វើអោយព្រួយបារម្ភថា សេចក្តីសម្រេចនេះ គ្មានប្រសិទ្ធភាពដូចការរំពឹងទុក និងថែមទាំងនាំមកនូវវិបាកអវិជ្ជមាន ដោយរុញឲ្យមានឲ្យមានភាពតានតឹងកាន់តែខ្លាំងក្នុងតំបន់ផងដែរ។ ហេតុដូច្នេះហើយ ចិនត្រូវតែបោះឆ្នោតអនុបវាទ។

លោកចាងនិយាយថា ខ្លួនត្រូវតែបញ្ជាក់ថា ភាពតានតឹងថ្មីនៅក្នុងតំបន់សមុទ្រក្រហមគឺជារឿងមួយចេញពីជម្លោះនៅក្នុងតំបន់ហ្កាហ្សាស្រ្ទីប ដោយសង្កតធ្ងន់ថា តាមពិតទៅ គឺគេមិនត្រូវធ្វើមិនដឹងមិនឮឡើយ ដោយលោក និយយាយថា ភាគីចិនបានញ្ជាក់ជាថ្មីថា បទឈប់បាញ់បន្ទាន់នៅតែជាតម្រូវការចាំបាច់សម្រាប់អ្វីៗគ្រប់យ៉ាង ហើយជាអាទិភាពចម្បងនៃកិច្ចប្រឹងប្រែងកាទូតជាអន្ដរជាតិ៕

អត្ថបទ មករា (Makara)