ប្រទេសចិនបានព្រមានអ្នកបោះឆ្នោតនៅកោះតៃវ៉ាន់ ជ្រើសរើសឱ្យបានត្រឹមត្រូវ ពីរ​ថ្ងៃ​មុន​ការ​បោះឆ្នោត ជ្រើសរើស​មេដឹកនាំ​នៅ​លើ​កោះ​ស្វ័យគ្រប់គ្រង​ដែលទីក្រុង​ប៉េកាំង​អះអាង​សិទ្ធិថា​ជា​ដែន​ដីរបស់ខ្លួន។        

ប្រទេសចិន​បានលើកឡើងថា ជ័យជម្នះរបស់បេក្ខជនគណបក្សកាន់អំណាច លោកវីលៀម ឡៃ( William Lai) នឹងបង្កគ្រោះថ្នាក់ដល់ទំនាក់ទំនង។

ក្រុង​ប៉េកាំងក៏បានរិះគន់ផងដែរដោយ ការនិយាយឥតសំចៃមាត់ និងថ្កោលទោស​លើ​សហរដ្ឋ​អាមេរិក បន្ទាប់ពីទីក្រុងវ៉ាស៊ីនតោន បានព្រមានទីក្រុងប៉េកាំង កុំឱ្យបង្កភាពតានតឹង នៅ​មុន​ការ​បោះឆ្នោត​ថ្ងៃ​សៅរ៍​ស្អែកនេះ។

គណបក្សណា​ដែលឈ្នះការបោះឆ្នោតអាចរុញកោះនេះឆ្ពោះទៅកាន់ ឬឆ្ងាយពីទីក្រុងប៉េកាំង។

កោះ​តៃវ៉ាន់​ជា​ចំណុច​សំខាន់​មួយ​ក្នុង​ការ​ប៉ះទង្គិច​គ្នារវាង​ចិន និង​អាមេរិក​សម្រាប់​ឥទ្ធិពល​នៅ​អាស៊ី​។

ការិយាល័យកិច្ចការតៃវ៉ាន់របស់ប្រទេសចិនបាននិយាយថា លោក Lai នឹងជំរុញ​សកម្មភាព​ផ្ដាច់​ខ្លួន​បន្ថែម​ទៀត ប្រសិនបើលោកត្រូវបានជាប់ឆ្នោត។

ការិយា​ល័យនេះបាននិយាយនៅក្នុងសេចក្តីថ្លែងការណ៍មួយថា មេដឹកនាំលំដាប់ទី២ រូបនេះ នឹងបន្តដើរ​តាម​មាគ៌ាអាក្រក់នៃការញុះញង់ទាមទារឯករាជ្យ និងអូសទាញ​កោះតៃវ៉ាន់​ឱ្យ​ចេញ​ឆ្ងាយ​ពី​សន្តិភាព និងវិបុលភាព ហើយកាន់តែខិតទៅជិតសង្រ្គាម និងការធ្លាក់ចុះ។

លោក Lai មកពីគណបក្សប្រជាធិបតេយ្យជឿនលឿន (DPP) បានអំពាវនាវឱ្យអ្នកបោះឆ្នោត ជ្រើស​រើសផ្លូវឲ្យបានត្រឹមត្រូវ ដើម្បីរក្សាអធិបតេយ្យភាពរបស់តៃវ៉ាន់។ គូប្រជែងសំខាន់​របស់​លោក​គឺ ហូវ អ៊ូ អ៊ី (Hou Yu-ih) មេដឹកនាំគណបក្ស គូមីនតាំង (Kuomintang)(KMT) បាន​ហៅ​លោក Lai ថាមានមនុស្សគ្រោះថ្នាក់ដល់ទំនាក់ទំនងជាមួយប្រទេសចិន៕