អាមេរិក ៖ ការវាយប្រហារតាមអាកាសរបស់សហរដ្ឋអាមេរិក និងអង់គ្លេសប្រឆាំងនឹងក្រុមសកម្មប្រយុទ្ធដែលគាំទ្រដោយអ៊ីរ៉ង់ក្នុងប្រទេសយេម៉ែន គឺកើនឡើងគួរឲ្យកត់សម្គាល់នៃជម្លោះនៅមជ្ឈិមបូព៌ា ហើយកើតមានឡើង បើទោះបីជាមានការខិតខំប្រឹងប្រែងជាច្រើនសប្តាហ៍ដោយលោកប្រធានាធិបតី ចូ បៃដិន ( Joe Biden) ដើម្បីឆ្ពោះទៅរកសង្រ្គាមកាន់តែធំក៏ដោយ។

ការវាយប្រហារទាំងនោះ បានកើតឡើងនៅពេលមួយនៃសារៈសំខាន់នយោបាយដ៏ស៊ីជម្រៅ នៅពេលដែលលោកបៃដិន បង្កើនយុទ្ធនាការបោះឆ្នោតឡើងវិញរបស់ខ្លួន ចំពេលមានការរិះគន់ពីគណបក្សសាធារណរដ្ឋយ៉ាងខ្លាំងក្លាអំពីជំនាញភាពជាអ្នកដឹកនាំសកលលោក និងគោលនយោបាយការបរទេស ជាពិសេសពីគូប្រជែងគណបក្ស Grand Old Party (GOP)របស់ខ្លួន នៅក្នុងខែវិច្ឆិកា គឺអតីតប្រធានាធិបតីដូណាល់ ត្រាំ ( Donald Trump)។

ខណៈពេលដែលការវាយប្រហារ មិនមែនជារឿងគួរឲ្យភ្ញាក់ផ្អើលនោះទេ ដោយសារមានការព្រមានកាន់តែខ្លាំងពីសហរដ្ឋអាមេរិកក្នុងប៉ុន្មានថ្ងៃថ្មីៗនេះ ពួកវាក៏បានធ្វើឡើងមួយថ្ងៃ បន្ទាប់ពីបេក្ខជនប្រធានាធិបតីបក្សGOP  លោកRon DeSantis និង លោកស្រី Nikki Haley បានរិះគន់លោក បៃដិន ចំពោះការយឺតយ៉ាវក្នុងការធ្វើសកម្មភាព ដើម្បីការពារកងកម្លាំង និងគ្រឿងយុទ្ធោបរណ៍របស់សហរដ្ឋអាមេរិក នៅមជ្ឈិមបូព៌ា។

ការវាយប្រហារទាំងនេះ ធ្វើឡើង បន្ទាប់ពីមានការរារាំងកាន់តែអាក្រក់ទៅលើយានដ្រូន និងមីស៊ីលពីក្រុមឧទ្ទាមហួទី ដែលផ្តោតលើការដឹកជញ្ជូនពាណិជ្ជកម្ម នៅក្នុងសមុទ្រក្រហម ដែលជាផ្លូវទឹកយុទ្ធសាស្ត្រដ៏សំខាន់សម្រាប់សេដ្ឋកិច្ចពិភពលោក។ ការវាយប្រហារទាំងនោះ គឺជាផ្នែកនៃយុទ្ធនាការដាក់សម្ពាធប្រឆាំងនឹងអ៊ីស្រាអែល និងសហរដ្ឋអាមេរិក នៅក្នុងតំបន់ ដែលរៀបចំដោយអ៊ីរ៉ង់តាមរយៈក្រុមតំណាងរបស់ខ្លួន ដើម្បីជាប្រតិកម្មទៅនឹងសង្រ្គាមនៅតំបន់ហ្កាហ្សា។ នោះមានន័យថា ប្រតិបត្តិការរបស់សហរដ្ឋអាមេរិក និងចក្រភពអង់គ្លេស មានហានិភ័យបន្ថែម ពីព្រោះពួកគេ បានកំណត់គោលដៅយ៉ាងសំខាន់ចំពោះផលប្រយោជន៍សំខាន់ៗរបស់សាធារណរដ្ឋអ៊ីស្លាម។