នៅលើនាវាកងទ័ពជើងទឹកជប៉ុន Osumi ទាហានស្រីជាច្រើននាក់ បានឈរនៅក្នុងចំណោមទាហានវរជន ។

ស្របពេលដែលចំនួនពលរដ្ឋជប៉ុនធ្លាក់ចុះ ហើយភាពតានតឹងនៅអាស៊ីកើនឡើងនោះ យោធាជប៉ុនសង្ឃឹមថានឹងមើលឃើញទាហានស្រីកាន់តែច្រើនដូចជាទាហានស្រីទាំងអស់នេះ ចូលរួមជាមួយកងកម្លាំងរបស់ពួកគេ បើទោះបីជារឿងអាស្រូវ បានធ្វើឲ្យពួកគេរារែកចិត្តក៏ដោយ ។

កងពលតូចចុះទឹកដាក់ពង្រាយរហ័ស (ARDB) ត្រូវបានបង្កើតឡើងកាលពីឆ្នាំ ២០១៨ ស្រពពេលភាពតានតឹងកើនឡើងនៅក្នុងសមុទ្រចិនខាងកើត ។

ទាហាននៅក្នុងកងពលមួយនេះ ត្រូវបានហ្វឹកហាត់ ដើម្បីដឹកនាំការវាយប្រហារចេញពីសមុទ្រ ក្នុងករណីដែលមានសង្រ្គាមនាពេលអនាគត ។

នាយទោ Runa Kurosawa គឺជាមេកានិកថែទាំយានចម្បាំងនៅលើនាវា ។ នាងនិយាយថា នាងជ្រើសរើសកងពលតូច ARDB ដោយសារតែនាងចង់ចុះបេសកកម្ម ។ នាងថា នាងចាប់អារម្មណ៍ ពេលដែលនាងមើលវីដេអូ ពេលដែល កងពលតូច ARDB ងើបចេញពីសមុទ្រ រួចឡើងដីគោក ហើយនិងត្រឡប់ទៅកោះវិញ នោះហើយគឺជាហេតុផលដែលនាងចង់ចូលរួមជាមួយពួកគេ ។

ស្របពេលដែលអត្រាកំណើតធ្លាក់ចុះនៅជប៉ុន និងការគំរាមកំហែងពីចិន រុស្ស៊ី និងកូរ៉េខាងជើងកើនឡើងនោះ យោធាជប៉ុន ចង់ជ្រើសរើសទាហានស្រី ដើម្បីការពារកម្រិតស្តង់ដាទាហាន ។

បើទោះបីជាចំនួនទាហានស្រីជប៉ុនកើនឡើងទ្វេដងក្នុងរយៈពេល ១ទសវត្សរ៍កន្លងមកនេះក៏ដោយ ក៏យោធាជប៉ុននៅតែមានទាហានប្រុសច្រើនដដែល ៕