ប្រធានាធិបតីឥណ្ឌូនេស៊ីលោក យ៉ូកូ វីដូដូនៅថ្ងៃសុក្រនេះ បានជួបពិភាគ្សាជាមួសមភាគីវៀតណាមរបស់លោកក្នុងក្រុងហាណូយជាទីដែលមេដឹកនាំទាំងពីរបានពិភាគាក្សាគ្នាពីបញ្ហាសន្ដិសុខក្នុងសមុទ្រចិនខាងត្បូង និងការវិនិយោគរថយន្ដអគ្គីសនី(EV)របស់ក្រុមហ៊ុនហ៊ុនVinFast។

ប្រទេសទាំងពីរបានចុះហត្ថលេខាលើអនុសារណៈនៃការយោគយល់គ្នាមួយ ស្ដីពីសហប្រតិបត្ដិការផ្នែកជលផល។ ឯកសារនេះ ពុំត្រូវបានផ្សព្វផ្សាយជាសាធារណៈទេ ប៉ុន្ដែវាអាចបញ្ជាក់ពីការចូលនេសាទរបសជនជាតិវៀតណាមទៅក្នុងដែនទឹកប្រទេសផ្សេងដែលជាប្រភពនៃភាពតានតឹងជាទៀងទាត់នៅក្នុងតំបន់។

ប្រទេសឥណ្ឌូនេស៊ីនិងប្រទេសវៀតណាមកាលពីឆ្នាំ២០២២ បានឯកភាពគ្នាទទួលស្គាល់ព្រំដែនតំបន់សេដ្ឋកិច្ចផ្ដាច់មុខរបស់ពួកគេក្នុងសមុទ្រខាងជើង ជាសកម្មភាពមួយដែលគេមើលឃើញថា ជាការប្រឈមនឹងក្រុងប៉េកាំងដែលអះអាងថា ជាផ្លូវពាណិជ្ជកម្មយុទ្ធសាស្រ្ដស្ទើរតែទាំងស្រុងជារបស់ខ្លួន។

ដំណើរទស្សនកិច្ចរបស់លោកយ៉ូកូវីដូដូទៅក្រុងហាណូយនេះ គឺជាផ្នែកមួយនៃដំណើរនៅក្នុងតំបន់អាស៊ីអាគ្នេយ៍ធំដែលជាងមុន ក្នុងនោះរួមមានការឈប់សំចតមុនគេក្នុងប្រទេសហ្វីលីពីន និងដំណើរទស្សនកិច្ចមួយដែលបានរំពឹងទុកទៅកាន់ប្រទេសប្រុយណេនៅចុងសប្ដាហ៍នេះ នៅមុនពេលការបោះឆ្នោតនៅក្នុងប្រទេសឥណ្ឌូនេស៊ីនៅខែក្រោយ៕