​អឺរ៉ុប៖ ភ្នាក់ងារ​គ្រប់គ្រង​ជំងឺ​របស់​ប្លុក​នេះ​បាន​និយាយ​កាលពី​ថ្ងៃ​ពុធ​ថា ​ជំងឺ​ COVID-19 ប​ម្លែ​ង​ខ្លួន​ថ្មី Delta ដ៏​កាច​សាហាវអាច​នឹង​កើន​ឡើង​ដល់ ​៩០% ​នៃ​ករណី​ឆ្លង​វីរុស​ថ្មី​សរុបនៅ​ក្នុង​សហភាព​អឺរ៉ុប ដោយ​ជំរុញ​ឱ្យ​រដ្ឋ​សមាជិកបង្កើន​ការ​ចាក់​វ៉ាក់សាំង​។​

​មជ្ឈមណ្ឌល​បង្ការ និង​គ្រប់គ្រង​ជំងឺឆ្លង​របស់​សហភាព​អឺរ៉ុប​បាន​និយាយ​ថា ខណៈ​ពេល​ដែល​ជំងឺ ​COVID-19 ប​ម្លែ​ង​ខ្លួន​ថ្មី Alpha ដែល​ត្រូវ​បាន​គេ​រក​ឃើញ​ដំបូង​នៅ​ចក្រភព​អង់គ្លេស​ គឺជា វីរុស​ប​ម្លែ​ង​មាន​សមត្ថភាព​ឆ្លង​ខ្លាំងកំពុង​រាលដាល​នៅ​សហភាព​អឺរ៉ុប ដែល​ត្រូវ​បាន​គេ​រំពឹង​ថា​នឹង​ប្រែប្រួល​យ៉ាង​ឆាប់រហ័ស​។​ លោក Andrea Ammon នាយក​មជ្ឈមណ្ឌល​នេះ​និយាយ​ថា ​“​វីរុស​ប​ម្លែ​ង​ខ្លួន​ថ្មី Delta នេះ​ទំនងជា​នឹង​ចរាចរណ៍​យ៉ាងសកម្ម​ក្នុង​រដូវ​ក្តៅ​ ជាពិសេស​ក្នុងចំណោម​យុវជន​ដែល​មិន​មាន​គោលដៅ​ចាក់​វ៉ាក់សាំង​។​

វីរុស​ប​ម្លែ​ង​ខ្លួន​ថ្មី ​Delta ដែល​ត្រូវ​បាន​រក​ឃើញ​ដំបូង​នៅ​ក្នុង​ប្រទេស​ឥណ្ឌា គឺ​មាន​ចំនួន​ឆ្លង​ច្រើនជាង​វីរុស​ប​ម្លែ​ង​ខ្លួន​ផ្សេងទៀត ដោយ​បន្ថែម​ថា ​នៅ​ចុងខែ​សីហា​វីរុស​នេះ​នឹង​មាន​ចំនួន​ករណី​ឆ្លង​ថ្មី​ដល់ ​៩០% នៅ​ក្នុង​សហភាព​អឺរ៉ុប​៕

អត្ថបទ៖ សុខមាន