សង្គ្រាមអ៊ីស្រាអែល និងក្រុមហាម៉ាស បានឈានដល់ដំណាក់កាលដ៏ធ្ងន់ធ្ងរ រយៈពេល ១០០ ថ្ងៃ​កាល​ពីថ្ងៃអាទិត្យ ១៤ មករា ខណៈការស្លាប់ជនស៊ីវិលកាន់តែច្រើននៅក្នុងតំបន់ហ្កាហ្សា ហើយ​សាច់​ញាតិ​របស់​ចំណាប់ខ្មាំងរាប់សិបនាក់នៅតែរង់ចាំសេរីភាពរបស់ពួកគេ។

ក៏​មានអ្នកស្លាប់ និងរបួសនៅ តំបន់ West Bank និងនៅតាមព្រំដែនអ៊ីស្រាអែល-លីបង់ ផងដែរជម្លោះ​ដែល​បង្ក​ឡើង​ដោយការ​វាយប្រហារ​មិនធ្លា​ប់​មាន​លើ​អ៊ីស្រាអែល​បាន​បង្កើត​គ្រោះ​មហន្តរាយ​មនុស្សធ​ម៌សម្រាប់ប្រជាជន ២,៤ លាននាក់​នៅ​ក្នុង​តំបន់​ហ្កាហ្សា​គ្រប់គ្រង​ដោយ​ក្រុម​ហាម៉ាស អង្គការសហប្រជាជាតិ និងក្រុមផ្តល់ជំនួយបានព្រមាន និងកាត់​បន្ថយ​ការ​បំផ្លិច​បំផ្លាញ​នៅ​តំបន់​ឆ្នេរមួយនេះ ។ 

អង្គការសហប្រជាជាតិនិយាយថា ប្រហែល ៨៥ភាគរយនៃចំនួនប្រជាជននៃទឹកដីនេះ ត្រូវ​បាន​ភៀស​ខ្លួន​បាន​ប្រមូលផ្តុំទៅដោយជម្រក និងការតស៊ូដើម្បីទទួលបានអាហារ ទឹក ប្រេងឥន្ធនៈ និង​ការ​ថែទាំវេជ្ជសាស្រ្ត។ 

លោក​ Mohammad Kahil ដែលបានភៀសខ្លួនទៅតំបន់ Rafah ភាគខាងត្បូងហ្កាហ្សា ក្បែរ​ប្រទេស​អេហ្ស៊ីបបាននិយាយថា សង្គ្រាមបានអូសបន្លាយរយៈពេល ១០០ ថ្ងៃហើយ ហើយ​ស្ថាន​ភាព​របស់យើងគឺអាក្រក់ខ្លាំងណាស់ ។ គ្មាន​អាហារ គ្មានទឹក គ្មានន៉ាស៊ីនកំដៅ។ យើង​នឹង​ស្លាប់​ដោយ​សារភាពត្រជាក់មិនខាន។

លោក Philippe Lazzarini ប្រធានទីភ្នាក់ងារ​អង្គការ​សហប្រជាជាតិ​ទទួល​បន្ទុក​ជន​ភៀស​ខ្លួន​ប៉ាឡេស្ទីន (UNRWA) បាននិយាយថា ជំងឺកំពុងរីករាល​ដាល​យ៉ាង​លឿន​ឆ្ពោះ​ទៅ​រក​គ្រោះ​ទុរ្ភិក្ស​៕