​កូរ៉េខាងជើង៖ រដ្ឋមន្ត្រីការបរទេស​កូរ៉េខាងជើង​ បាន​ច្រានចោល​ការចរចា​ជាមួយ​សហរដ្ឋ​អាមេរិក ​ទោះ​បីជា​ទីក្រុងវ៉ាស៊ីនតោនបង្ហាញ​ឆន្ទៈ​ក្នុង​ការ​សន្ទនា ​ដើម្បី​ដោះស្រាយ​បញ្ហា​ជាប់​គាំង​ស្ដីពី​ការ​អភិវឌ្ឍន៍​កម្ម​វិធី​មី​ស៊ី​ល និង​នុយក្លេអ៊ែរ​របស់​កូរ៉េខាងជើង​។

​ប្រមុខ​ការទូត លោក Ri Son Gwon បាន​ចេញ​សេចក្ដីថ្លែងការណ៍​តាមរយៈ ​ទីភ្នាក់ងារសារព័ត៌មាន​រដ្ឋកូរ៉េខាងជើង KCNA កាលពី​ថ្ងៃ​ពុធ​ថា យើង​មិនបាន​ពិចារណា​សូម​ត្រឹមតែ​លទ្ធភាព ​នៃ​ការទាក់ទង​ណាមួយ​ជាមួយ​សហរដ្ឋអាមេរិក​ទេ ទុក​ឲ្យ​វា​ទៅតាម​ដំណើរ​ទៅ​ចុះ។​ ការ​ថ្លែង​បែបនេះ​មាន​ឡើង​ បន្ទាប់ពី​អ្នកនាំពាក្យ​ក្រសួងការបរទេស​អាមេរិក ​លោក Ned Price បាន​និយាយ​កាលពី​ថ្ងៃ​អង្គា​រថា ទីក្រុងវ៉ាស៊ីនតោននៅតែ​បន្ត​មាន​ក្ដី​សង្ឃឹមថា ទីក្រុង​ព្យុងយ៉ាង​នឹង​ឆ្លើយ​ត​វិជ្ជមាន​ចំពោះ​បំណង​របស់​ខ្លួន​។​

​កាលពី​សប្ដាហ៍​មុន មេដឹកនាំ​កូរ៉េខាងជើង​បាន​និយាយ​ថា ​ប្រទេស​របស់​លោក​ចាំបាច់​ត្រូវ​ត្រៀមខ្លួន ​សម្រាប់​ទាំង​ការសន្ទនា​ ទាំង​ការ​ប្រឈម​ជាមួយ​សហរដ្ឋអាមេរិក​។ ដោយឡែក​ប្អូនស្រី​របស់​លោក Kim Jong Un គឺលោកស្រី Kim Yo Jong ក៏បាន​ចេញ​សេចក្ដីថ្លែងការណ៍​ផង​ដែរ​កាលពី​ថ្ងៃ​អង្គារ​។ លោកស្រី​បាន​និយាយ​ថា​ សហរដ្ឋអាមេរិក​មាន​ក្ដី​រំពឹង​ខុស​ហើយ​សម្រាប់​ការចរចា​៕

អត្ថបទ៖ សុខមាន