ស្វាយរៀង ៖ សត្វជ្រូក ចំនួន៧៨ក្បាល បានឈឺ និងងាប់ជាបន្តបន្ទាប់ នៅក្នុងភូមិកណ្ដាល ឃុំខ្សែត និងភូមិព្រៃម្នាស់ ឃុំសំឡី ស្រុកកំពង់រោទិ៍ ខេត្តស្វាយរៀង ។ មន្ត្រីជំនាញ កំពុងធ្វើវិភាគរករោគសញ្ញា ដើម្បីកំណត់ថាជាជំ ងឺអ្វីឱ្យពិតប្រាកដ ។

លោក ប៉ែន ចន្ធី ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទ ខេត្តស្វាយរៀង បានប្រាប់BTV នៅថ្ងទី១៥ ខែមករា នេះថា មានសត្វជ្រូកឈឺងាប់ជាបន្ត បន្ទាប់ប៉ុន្មានថ្ងៃកន្លងមកហើយ បើទោះជាម្ចាស់ និងមន្ត្រីជំនាញ ខំប្រឹងព្យាបាលយ៉ាងណាក៏ដោយក៏មិន ជាដែរ ។

លោកបានបញ្ជាក់ថា ជំនាញពេទ្យសត្វ បានយកសំណាកផ្ញើទៅធ្វើរោគវិភាគនៅវិទ្យាស្ថានប៉ាស្ទឺរ រួចរាល់ហើយ បច្ចុប្បន្នកំពុងរងចាំ់លទ្ធផល ថាជ្រូកនេះមានជំងឺអ្វីពិតប្រាកដ ទើបមន្ទីរ និងក្រសួង និង ចេញវិធានការដើម្បីទប់ស្កាត់ តែបើជំងឺប៉េស្តជ្រូកអាហ្វ្រិកប្រាកដមែន ជំងឺនេះងាយនឹងចម្លងទៅជ្រូកដែល ចិញ្ចឹមនៅជិតៗជាមិនខាន ហើយពិបាករកវ៉ាក់សាំងចាក់ទប់បានទាន់ពេលវេលាណាស់ ។

លោក ប៉ែន ចន្ធី បានបញ្ជាក់ថា នៅចំពោះមុខស្ថានភាពនេះ តាមការណែនាំរបស់អគ្គនាយក ដ្ឋានសុខភាពសត្វ ក្រុមការងារការិយាល័យបសុព្យាបាលខេត្ត ក្រៅពីការចុះយកយកសំណាកទៅវិភាគ បានធ្វើជីវសុវត្ថិភាពនៅតំបន់ផ្ទុះជំងឺ និងតំបន់ជិតៗហើយដែរ ៕ ដោយ ៖ ភា សារិទ្ធ