ប្រាក់ដុល្លារបានរាងធ្លាក់បន្តិច នៅថ្ងៃចន្ទ (ទី១៥ ខែមករា) នេះ នៅពេលមានការរំពឹងទុកជាថ្មី ជុំវិញការកាត់បន្ថយអត្រាការប្រាក់ដោយធនាគារកណ្ដាល (Federal Reserve) របស់សហរដ្ឋអាមេរិក ក្នុងខែមីនា ខណៈពេលដែលប្រាក់យ័នបានធ្លាក់ចុះដល់កម្រិតទាប ក្នុងរយៈពេលមួយខែ បន្ទាប់ពីធនាគារកណ្តាលរបស់ប្រទេសចិន បានធ្វើឲ្យទីផ្សារភ្ញាក់ផ្អើល ដោយបន្តការរក្សាអត្រាគោលនយោបាយរយៈពេលមធ្យមរបស់ខ្លួនឲ្យនៅទ្រឹង។

ធនាគារប្រជាជនចិន (PBOC) នៅថ្ងៃចន្ទនេះ បានសម្រេចទុកឲ្យអត្រាការប្រាក់នៅដដែល ក្នុងពេលដែលពង្រីកលើប្រាក់កម្ចីគោលនយោបាយរយៈពេលមធ្យមដែលមានភាពរឹងមាំ ដោយការធ្វើនេះផ្ទុយនឹងការរំពឹងទុករបស់ទីផ្សារ សម្រាប់ការកាត់បន្ថយអត្រាការប្រាក់ ដើម្បីគាំទ្រដល់ការស្ទុះងើបឡើងវិញនៃសេដ្ឋកិច្ច ក្រោយការរាតត្បាតពីជំងឺដ៏អាក្រក់របស់ប្រទេសចិន។

ការសម្រេចនោះបានធ្វើឲ្យការជូញដូរប្រាក់យ័នក្នុងស្រុក ធ្លាក់ចុះដល់កម្រិតទាបរយៈពេលមួយខែ ដោយ ១ដុល្លារ ដូរបាន ៧,១៨៦៣យ័ន ខណៈដែលក្រៅស្រុកមានតម្លៃចុងក្រោយ ៧,១៨៦៣យ័ន ក្នុង ១ដុល្លារ ដោយធ្លាក់ចុះជិតរយៈពេលមួយខែ កាលពីថ្ងៃសុក្រ (ទី១២ ខែមករា)។

នៅទីផ្សារធំៗផ្សេងទៀត បណ្ដាពាណិជ្ជករក៏បានសម្លឹងទៅការបកស្រាយលើអតិផរណារបស់ចក្រភពអង់គ្លេស ដែលនឹងត្រូវកំណត់នៅចុងក្នុងសប្តាហ៍នេះ ខណៈទីផ្សារផ្តោតលើវិធីសំខាន់ភ្លាមៗ ដែលធនាគារកណ្តាលធំៗទូទាំងពិភពលោក អាចចាប់ផ្តើមបន្ធូរបន្ថយអត្រាការប្រាក់ នៅឆ្នាំនេះ។

ឱកាស សម្រាប់ការកាត់បន្ថយអត្រាការប្រាក់របស់ធនាគារកណ្ដាលអាមេរិក (Fed) នៅក្នុងខែមីនា អាចមានខ្ពស់ បន្ទាប់ពីទិន្នន័យកាលពីថ្ងៃសុក្រ បានបង្ហាញថា តម្លៃអ្នកផលិតរបស់សហរដ្ឋអាមេរិក បានធ្លាក់ចុះដោយមិននឹកស្មានដល់ ក្នុងខែធ្នូ ដោយបានធ្វើឲ្យទិន្នផលរតនាគារសហរដ្ឋអាមេរិកធ្លាក់ចុះ តាមការធ្លាក់ចុះនោះ៕