អភិបាលក្រុងភាគខាងត្បូងវ៉ូរ៉ូនេស (Voronezh)របស់រុស្ស៊ី បានប្រកាសដាក់ក្រុងនេះស្ថិតក្នុងគ្រាមានអាសន្ន នៅថ្ងៃអង្គារនេះ បន្ទាប់ពីអ្វីដែលក្រុមមន្រ្ដីនិយាយថា ជាការវាយប្រហារពីយានដ្រូនរបស់អ៊ុយក្រែនដែលបណ្ដាលឲ្យអគារជាច្រើនខ្នង រងខូចខាត និងយ៉ាងហោចណាស់កុមារម្នាក់ររងរបួស។

អភិបាលក្រុង លោក វ៉ាឌីម ខេត្ទនីន បាននិយាយនៅលើការផ្ញើរសារតាមAppតេឡេក្រាមថា ប្រជាជនមកពីអាគារ១យ៉ាងហោចណាស់មួយខ្នង ត្រូវបានជម្លៀសខ្លួនចេញទៅកាន់សាលារៀនមួយកន្លែងដែលនៅជិតនោះ បន្ទាប់ពីកម្ទេចយានដ្រូន បានបង្កឲ្យមានចំហេះតូចមួយ និងបានធ្វើឲ្យផ្ទុះកញ្ចក់បង្អួច

ទៀតផង។

លោកបាននិយាយថា កញ្ចក់បង្អួចផ្សេងទៀតក៏បានបែកផងដែរ ដោយបន្ថែមថា ការប្រកាសអាសន្ននេះនៅក្នុងក្រុង នឹងអនុញ្ញាតឲ្យមានការអនុវត្ដន៍នូវិធានការភ្លាមៗ ដើម្បីរកអគារជំនួសអោយពួកគេស្នាក់នៅ។

អភិបាលតំបន់ លោកអាឡិចសិនឌើរ ហ្គូសេវ (Alexander Gusev) បាននិយាយនៅលើបណ្តាញតេឡេក្រាមថា ក្មេងស្រីម្នាក់ បានរងរបួសនៅពេលដែលកម្ទេចយានដ្រូន បានធ្លាក់លើអគារដែលនាងរស់នៅ។

នៅលើបណ្តាញតេឡេក្រាមរបស់ខ្លួននេះដែរ ក្រសួងការពារជាតិរុស្ស៊ី បាននិយាយថា ខ្លួនបានកម្ទេចយានដ្រូន៥គ្រឿង និងបានស្ទាក់ចាប់បានយានដ្រូន៣គ្រឿងទៀត នៅពេលយប់ពីលើតំបន់វ៉ូរ៉ូនេស (Voronezh) ដែលមានព្រំដែនជាប់ប្រទេសអ៊ុយក្រែនផងដែរ។

ក្រសួងការពារជាតិរុស្ស៊ី កេបាននិយាយផងដែរថា ខ្លួនបានស្ទាក់ចាប់យានដ្រូន៤គ្រឿងនៅជិតតំបន់

បែលហ្កូរ៉ូតរបស់រុស្ស៊ី៕