មន្ទីរបញ្ចកោណ បាននិយាយកាលពីថ្ងៃអង្គារថា ខ្លួនបានរឹបអូស ជំនួយយោធាទំនើបៗដែលអាចសម្លាប់មនុស្ស ពីប្រទេសអ៊ីរ៉ង់ដែលធ្វើដំណើរទៅកាន់ប្រទេសយេម៉ែន សម្រាប់ក្រុមឧទ្ទាមហួទី នៅលើកនាវាពាណិជ្ជកម្មមួយគ្រឿង ដែលវាបានឈប់ នៅថ្ងៃទី១១ ខែមករា ដែលបានធ្វើឲ្យសមាជិកពីរនាក់នៃក្រុមកិច្ចប្រតិបត្តិ Navy SEAL បាត់ខ្លួន។

ទីបញ្ជាការកណ្តាលរបស់សហរដ្ឋអាមេរិក បាននិយាយថា សកមាជិកនៃក្រុមកិច្ចប្រតិបត្តិការ Navy SEALs អាចរឹបអូសបានមីស៊ីលបាលិស្ទិក ដែលផលិតដោយអ៊ីរ៉ង់ និងសមាសធាតុមីស៊ីលតម្រង់គោលដៅ រួមទាំងឧបករណ៍ជំរុញ នាំផ្លូវ និងក្បាលគ្រាប់សម្រាប់មីស៊ីលបាលិស្ទិករយៈចម្ងាយមធ្យមរបស់ក្រុមហួទី និងមីស៊ីលប្រឆាំងនាវា បន្ថែមពីលើសមាសធាតុពាក់ព័ន្ធការពារដែនអាកាស។

ទីបញ្ជាការកណ្តាលនេះ បាននិយាយថា ការវិភាគដំបូងបង្ហាញថា អាវុធដូចគ្នាទាំងនេះ ត្រូវបានប្រើប្រាស់ដោយក្រុមហួទី ដើម្បីគំរាមកំហែង និងវាយប្រហារលើនាវាពាណិជ្ជករអន្តរជាតិ ដែលឆ្លងកាត់សមុទ្រ        ក្រហម។

ទីបញ្ជាការកណ្តាល បានបន្ថែមថា ការរឹបអូសនេះ គឺជាលើកទីមួយ ចាប់តាំងពីការវាយប្រហារលើនាវាបានចាប់ផ្តើមនៅក្នុងខែវិច្ឆិកា បន្ទាប់ពីការចាប់ផ្តើមនៃសង្រ្គាមអ៊ីស្រាអែល និងក្រុមហាម៉ាស។

កិច្ចប្រតិបត្តិការនេះ គឺរឹបអូសបានជាលើកដំបូងនូវសមាសធាតុមីស៊ីលបាលិស្ទិកដ៏ទំនើបផលិតដោយអ៊ី     រ៉ង់ និងមីស៊ីលតម្រង់គោលដៅ ដោយកងទ័ពជើងទឹកសហរដ្ឋអាមេរិក ចាប់តាំងពីខែវិច្ឆិកា ឆ្នាំ២០១៩។ ការផ្គត់ផ្គង់ ការលក់ ឬការផ្ទេរអាវុធដោយផ្ទាល់ ឬដោយប្រយោលទៅឲ្យក្រុមហួទី ក្នុងប្រទេសយេម៉ែន រំលោភលើសេចក្តីសម្រេចសន្តិសុខអង្គការសហប្រជាជាតិលេខ២២១៦ និង ច្បាប់អន្តរជាតិ។