បណ្តាប្រទេសអឺរ៉ុប បានសន្យាថា មានតែការគាំទ្រផ្នែកយោធាសំខាន់ៗតិចតួចប៉ុណ្ណោះ ដើម្បីទប់ទល់នឹងការវាយប្រហាររបស់ក្រុមឧទ្ទាមហួទីលើការដឹកជញ្ជូននៅសមុទ្រក្រហម ខណៈដែលពួកគេធ្វើឲ្យមានតុល្យភាពរវាងកង្វល់ភូមិសាស្ត្រនយោបាយ និងក្នុងស្រុក ជាមួយនឹងការព្រួយបារម្ភខាងសេដ្ឋកិច្ច។

កងកម្លាំងអាមេរិក និងអង់គ្លេស បានវាយប្រហារទៅលើក្រុមឧទ្ទាមយេម៉ែន ចាប់តាំងពីថ្ងៃសុក្រ ដើម្បីជាការឆ្លើយតបទៅនឹងការវាយប្រហារដោយមីស៊ីលរបស់ក្រុមហួទីលើនាវានៅក្នុងផ្លូវដឹកជញ្ជូនដ៏សំខាន់ ចាប់តាំងពីការវាយប្រហារថ្ងៃទី៧ ខែតុលា របស់ក្រុមហាម៉ាសមកលើអ៊ីស្រាអែល។

ប៉ុន្តែរដ្ឋធានីជាច្រើនរបស់សហភាពអឺរ៉ុប បាននឹងនឿយហត់ក្នុងការអនុវត្តកងកម្លាំងរបស់ពួកគេ ទោះបីជារដ្ឋមន្ត្រីការបរទេសរបស់ប្លុកនេះ នឹងពិភាក្សាអំពីវិបត្តិនេះ នៅទីក្រុងប្រ៊ុចសែល នៅថ្ងៃទី២២ ខែមករាក៏ដោយ។

អ្នកតំណាងជនជាតិអារ៉ាប់ និងអ៊ីស្រាអែល ត្រូវបានអញ្ជើញ បើទោះបីជារហូតមកទល់ពេលនេះ មិនទាន់មាននរណាម្នាក់ បញ្ជាក់ពីការចូលរួមរបស់ពួកគេក្តី។

ពីដំបូង ក្រុមហួទី បាននិយាយថា ពួកគេកំពុងវាយប្រហារលើនាវាដែលមានទំនាក់ទំនងជាមួយអ៊ីស្រាអែល។ ប៉ុន្តែចាប់តាំងពីថ្ងៃសុក្រមក ពួកគេ បានបន្ថែមផលប្រយោជន៍របស់អង់គ្លេស និងអាមេរិក ទៅក្នុង «គោលដៅស្របច្បាប់»របស់ពួកគេ។