ក្រសួងសន្តិសុខសាធារណៈរបស់ប្រទេសស្រីលង្កា បានប្រកាសនៅថ្ងៃព្រហស្បតិ៍នេះថា ក្រុមមន្ត្រីអនុវត្តច្បាប់របស់ប្រទេសស្រីលង្កា បានចាប់ខ្លួនបុគ្គលចំនួន ៤០.៥៩០ នាក់ ដែលជាប់ពាក់ព័ន្ធក្នុងសកម្មភាពឧក្រិដ្ឋកម្ម និងការកាន់កាប់គ្រឿងញៀន នៅក្នុងកិច្ចប្រតិបត្តិការរយៈពេលមួយខែ នៅទូទាំងកោះនេះ។

ក្រសួងនេះ បានប្រកាសថា ក្នុងអំឡុងពេលនោះ ហេរ៉ូអ៊ីន ៧៣,៣ គីឡូក្រាម មេតំហ្វេតាមីន២០៦ គីឡូក្រាម អាភៀន ៤៩,២ គីឡូក្រាម កញ្ឆា ៦៥៥ គីឡូក្រាម និងកញ្ឆា ២.៩៩២.៦៥៣ ដើម ត្រូវបានរឹបអូសផងដែរ។

ក្រសួង បាននិយាយថា ក្នុងចំណោមអ្នកដែលត្រូវបានចាប់ខ្លួន អ្នកញៀនគ្រឿនថ្នាំចំនួន ១.៨៦៧ នាក់ត្រូវបានបញ្ជូនទៅធ្វើការមណ្ឌលស្តារនីតិសម្បទា។

ក្រសួងបានប្រកាសទៀតថា ទន្ទឹមនឹងនោះ ដីកាឃុំខ្លួន ត្រូវបានចេញសម្រាប់មនុស្ស ១.៧០៣នាក់ ដែលអនុញ្ញាតឲ្យនគរបាលឃុំខ្លួន និងសួរចម្លើយបន្ថែមលើជនសង្ស័យទាំងនេះសម្រាប់រយៈពេលបន្ត។

ក្រសួងបាននិយាយថា ការស៊ើបអង្កេតអំពីរបៀបដែលជនសង្ស័យចំនួន ២២៥ នាក់ បានទទួលទ្រព្យសម្បត្តិរបស់ពួកគេ ក៏ត្រូវបានចាប់ផ្តើម ហើយមន្ត្រីអនុវត្តច្បាប់បានរឹបអូសថ្នាំញៀនដែលមានតម្លៃ ៤,៨ ពាន់លានរូពី (១៤,៩លានដុល្លារអាមេរិក)។