មន្រ្ដីសុខាភិបាលប៉ាឡេស្ទីនម្នាក់ បាននិយាយថា ក្រុមសាច់ញាតិរបស់គ្រួសារសពក្នុងក្រុងរ៉ាហ្វា (Rafah) នៅថ្ងៃព្រហស្បតិ៍នេះ បានធ្វើពិធីកាន់ទុក្ខបន្ទាប់ពីការវាយប្រហារតាមអាកាសមួយរបស់អ៊ីស្រាអែលនៅពេលយប់ដែលបានសម្លាប់មនុស្សអស់១៦នាក់នោះ។

ក្រុមសាច់ញាតិបានយំយែក ខណៈដែលសាកសពដែលរុំក្រណាត់ ត្រូវបានគេដាក់នៅលើដីក្នុងបរិវេណមន្ទីរពេទ្យ។

សាច់ញាតិម្នាក់ក្នុចំណោមសាច់ញាតិជាច្រើននាក់គឺលោក ម៉ាសឃ្មូត កាល់ឡាប់ បាននិយាយថា ហ្កាហ្សាកំពុងស្លាប់។ហ្កាហ្សាជាមួយកូនៗរបស់ខ្លួន។ លោកបន្ដថា ប្រសិនបើគេមិនស្លាប់ដោយសារគ្រាប់ផ្លោង ក៏ពួកគេស្លាប់ដោយអត់ឃ្លាន និងដោយជម្ងឺដែរ។

មន្រ្ដីសុខាភិបាលប៉ាឡេស្ទីនម្នាក់ បាននិយាយថា គ្រាប់មីស៊ីល បានធ្លាក់ចំផ្ទះមួយក្នុងក្រុងនៅមុនពាក់កណ្ដាលអធ្រាត្រ កាលពីថ្ងៃពុធ។ ហើយមនុស្សជាច្រើននាក់ទៀត បានរងរបួស ដែលគេនិយាយថា ការរំពឹងទុកពីចំនួនអ្នកស្លាប់នឹងកើនឡើង។

ក្រសួងសុខាភិបាលតំបន់ហ្កាហ្សា បាននិយាយ នៅក្នុងសេចក្ដីថ្លែងការណ៍មួយនៅថ្ងៃពុធថា ចំនួនជនជាតិ

ប៉ាឡេស្ទីនស្លាប់សរុបទាំងអស់មាន២៤.៤៤៨នាក់ និង៦១.៥០៤នាក់ទៀតបានរងរបួស នៅក្នុងការវាយប្រហាររបស់អ៊ីស្រាអែលលើតំបន់ហ្កាហ្សា តាំងពីថ្ងៃ៧តុលាមក។