កេនយ៉ា៖ នគរបាលនិយាយថា ទាហាន ១៧នាក់បានស្លាប់ក្នុងពេលធ្លាក់ឧទ្ធម្ភាគចក្រក្នុងប្រទេសកេនយ៉ា។ ពួកគេកំពុងហ្វឹកហាត់ នៅពេលឧទ្ធម្ភាគចក្របានធ្លាក់នៅក្នុងស្រុកកាជាដូ នៅខាងក្រៅរដ្ឋធានីណៃរ៉ូប៊ី។ មនុស្សចំនួន ៦នាក់នៅលើឧទ្ធម្ភាគចក្របានរងរបួសធ្ងន់។
ប្រជាពលរដ្ឋម្នាក់ក្នុងទីក្រុងកាជាដូ គឺលោក Morris Kirai Emerit បាននិយាយថា ឧទ្ធម្ភាគចក្របានធ្លាក់នៅពេលដែលពួកលោកនៅក្បែរភ្នំនោះ។ វាបានចាប់ផ្ដើមឡើងដោយសំឡេងអ៊ូអរ ប៉ុន្តែមិនមែនជាសំឡេងម៉ាស៊ីនទេ តែសំឡេងដូចជារថយន្តសង្គ្រោះ។ ១០វិនាទីក្រោយមកឧទ្ធម្ភាគចក្រនោះបានត្រឡប់មកវិញ និងព្យាយាមចុះចតតែមិនអាចចុះចតបាន។ លោកគិតថា ឧទ្ធម្ភាគចក្រនោះបុកនឹងភ្នំ ហើយបន្ទាប់មកក៏បុកមែន។ យោធាកេនយ៉ាបានបញ្ជាក់ពីករណីធ្លាក់ឧទ្ធម្ភាគចក្រ ប៉ុន្តែពុំបានផ្ដល់ព័ត៌មានលម្អិតទេ។ ក្រុមមន្ត្រីនគរបាលនិយាយថា មានទាហានចំនួន ២៣នាក់នៅក្នុងឧទ្ធម្ភាគចក្រនៅពេលវាធ្លាក់៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
