ការិយាល័យព្យាករណ៍អាកាសធាតុរបស់ប្រទេស បាននិយាយថា ផ្នែកមួយ​ចំនួន​នៅ​ភាគ​ខាង​លិច​ប្រទេស​អូស្ត្រាលី នៅថ្ងៃសៅរ៍ ទី២០ ខែមករានេះ ត្រូវបានកំណត់ថានឹងកើនឡើងរលកកម្តៅខ្លាំង ដែល​បង្កើនហានិភ័យចំហេះព្រៃនៅក្នុងរដ្ឋដ៏ធំនេះ។

ការិយាល័យឧតុនិយម នៅថ្ងៃសៅរ៍នេះ «ការព្រមានអំពីរលកកម្តៅខ្លាំង»នៅនឹងកន្លែង សម្រាប់​តំបន់​ដាច់​ស្រយាល Pilbara និង Gascoyne នៃរដ្ឋធំបំផុតរបស់ប្រទេសអូស្ត្រាលី ដោយ​ព្រមាន​ថា សីតុណ្ហភាពនៅទីនោះអាចឡើងខ្ពស់ ៤០អង្សាសេនៅចុងសប្តាហ៍នេះ។

យោងតាមទិន្នន័យរបស់ការិយាល័យព្យាករណ៍នៅក្នុងទីក្រុងរុករករ៉ែ Pilbara នៃតំបន់ Paraburdoo ប្រហែល ១.៥០០គីឡូម៉ែត្រ ភាគខាងជើងនៃរដ្ឋ Perth សីតុណ្ហភាពអតិបរិមា ៤៧ អង្សាសេ ត្រូវបានព្យាករណ៍នៅថ្ងៃសៅរ៍នេះ គឺច្រើនជាង ៦ អង្សា​សេ​លើស​ពី​កម្រិត​អតិបរមា​ជា​មធ្យមក្នុងខែមករា។ វាមានសីតុណ្ហភាព ៣៥,៥ អង្សាសេ នៅទីនោះនៅម៉ោង ៧:៣០នាទី ព្រឹក​។

អាកាសធាតុក្តៅ បានបង្កើនហានិភ័យចំហេះព្រៃនៅក្នុងរដូវភ្លើងដែលមានហានិភ័យខ្ពស់រួចហើយ ក្នុង​ពេលមានព្រឹត្តិការណ៍អាកាសធាតុអែលនីញ៉ូ(El Nino) ដែលជា​ធម្មតា​ត្រូវ​បាន​ផ្សារ​ភ្ជាប់​ជាមួយ​នឹង​ព្រឹត្តិការណ៍ធ្ងន់ធ្ងរដូចជាចំហេះព្រៃ ព្យុះស៊ីក្លូន និងគ្រោះរាំងស្ងួត។

ការ​ព្រមាននេះ កើតឡើងបន្ទាប់ពីអ្នកពន្លត់អគ្គីភ័យរាប់រយនាក់កាលពីដើមខែនេះ បាន​ប្រយុទ្ធ​ជាមួយ​ចំហេះ​ព្រៃ​ដែលហួសពីការគ្រប់គ្រងនៅជិតទីក្រុង Perth ក្នុង​ពេល​មាន​សីតុណ្ហភាព​កើន​ឡើង ដែល​ជំរុញឱ្យមានការជម្លៀសមនុស្សចេញ៕