ប៉ៃលិន៖ ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) បាន ដឹកនាំ និងរៀបចំកម្មវិធីសិក្ខាសាលា ស្ដីពីការអភិវឌ្ឍន៍អាជីវកម្មក្រោយបរិបទកូវីដ-១៩ ដើម្បីផ្តល់ចំណេះដឹង និងអត្ថប្រយោជន៍ដល់ ម្ចាស់សហគ្រាសធុនតូច និងមធ្យមនៅខេត្តប៉ៃលិន។

ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) នៅថ្ងៃ ទី ១៩ ខែ មករា ឆ្នាំ ២០២៤ បានដឹកនាំ និងរៀបចំកម្មវិធីសិក្ខាសាលាស្ដីពី “ការអភិវឌ្ឍន៍អាជីវកម្មក្រោយបរិបទកូវីដ-១៩”ជូន សមាជិក-សមាជិកា របស់ FASMEC នៅខេត្តប៉ៃលិន ក្នុងនោះមានការអញ្ជើញចូលរួមបើកកម្មវិធី ក្រោមអធិបតីភាព ឯកឧត្តម ងួន លីណា អភិបាលរងនៃគណៈអភិបាលខេត្តប៉ៃលិន តំណាងដ៏ខ្ពង់ខ្ពស់របស់លោកជំទាវ បាន ស្រីមុំ អភិបាល នៃគណៈអភិបាល ខេត្តប៉ៃលិន និងបិទកម្មវិធីក្រោមអធិបតីភាពដោយ លោក ដួង អ៊ីម ប្រធានមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ តំណាងខ្ពង់ខ្ពង់របស់ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ។

ទាក់ទិនសិក្ខាសាលាខាងលើនេះមានដៃគូសហការឧបត្ថម្ភនានាដូចជា៖ សហគ្រិនខ្មែរ, សមាគមមូលនិធិសម្តេចតេជោ ដើម្បីអភិវឌ្ឍន៍ សហគ្រាធុនតូច និងមធ្យមកម្ពុជា ព្រមទាំងដៃគូសហការផ្សេងៗទៀត ក្នុងនោះមាន SME ចូលរួមចំនួន ១៥០ នាក់ ដោយសិក្ខា សាលានេះមានគោលបំណង ដើម្បីផ្តល់ចំណេះដឹង និងអត្ថប្រយោជន៍ដល់សហគ្រាសធុនតូច និងមធ្យមទូទាំងប្រទេសកម្ពុជា បាន ដឹងពីព័ត៌មានទាក់ទងនឹងច្បាប់បញ្ញាតិនានា និងព័ត៌មានទាក់ទងធនាគាដៃគូ និងក្រុមហ៊ុនដៃគូរជាដើម៕