ប្រធានាធិបតីទួរគីលោក រ៉េសិប តាយីប អេរដូហ្គែន (Recep Tayyip Erdoğan) កាលពីថ្ងៃសុក្រ បាន​វាយប្រហារនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ (Benjamin Netanyahu) ចំពោះការ​វាយ​ប្រហារ​ដែល​កំពុង​បន្ត​របស់​អ៊ីស្រាអែល​ទៅ​លើ​តំបន់​ហ្កាហ្សាស្ទ្រីប​ដោយ​ហៅលោ​ក ថាជា «មេដឹកនាំ ឬ អគ្គមគ្គុទេស»។

លោកអេរដូហ្គែល បានធ្វើការប្រៀបធៀបរវាងលោកណេតាន់យ៉ាហ៊ូ និងមេដឹកនាំណាហ្ស៊ី (Nazi)​ រួចហើយកាលពីចុងខែធ្នូ នៅពេល​និយាយ​អំពី​ការ​ឆ្លើយ​តប​របស់​អ៊ីស្រាអែល​ចំពោះ​ក្រុម​ហាម៉ាស និង​ក្រុមសកម្មប្រយុទ្ធផ្សេងទៀត ដែលបានសម្លាប់ប្រជាជនអ៊ីស្រាអែល ក្នុង​ការ​វាយ​ប្រហារ​ដ៏​គួរ​ឲ្យភ្ញាក់ផ្អើល កាលពីថ្ងៃទី៧ ខែតុលា។

មនុស្សជាង ១.២០០នាក់នៅក្នុងសហគមន៍អ៊ីស្រាអែល នៅជិតព្រំដែន​ជាមួយ​តំបន់​ហ្កាហ្សាស្ទ្រីប ត្រូវបានសម្លាប់ និងប្រហែល ២៤០ នាក់ ត្រូវបានចាប់ធ្វើជាចំណាប់ថ្នូរ។

អ៊ីស្រាអែលបានសងសឹកជាមួយនឹងការទម្លាក់គ្រាប់បែក និងយុទ្ធនាការថ្នើរជើងយ៉ាងធំ នៅ​តំបន់ហ្កាហ្សា។

អាជ្ញាធរក្រុមហាម៉ាសនៅតំបន់ហ្កាហ្សា បាននិយាយកាលពីថ្ងៃសុក្រថា ប្រជាជនប៉ាឡេស្ទីនជាង ២៤.000 នាក់ ត្រូវបានសម្លាប់នៅទីនោះដោយសារសង្គ្រាម។

លោកអេរដូហ្គែន បានអះអាងថា បណ្តា​ប្រទេស​លោក​ខាង​លិច​រក្សាភាព​ស្ងៀមស្ងាត់​ចំពោះ​មុខ​អ៊ីស្រាអែល «ការសម្លាប់យ៉ាងព្រៃផ្សៃ...កុមារ ទារក និងស្ត្រី»នៅតំបន់ហ្កាហ្សា៕