សហភាពអឺរ៉ុប បាននិយាយកាលពីថ្ងៃសុក្រថា ខ្លួននឹងបង្កើនការផលិតគ្រាប់រំសេវយ៉ាងខ្លាំង នៅ​ឆ្នាំ​នេះ ដើម្បីឆ្លើយតបទៅនឹងការអង្វរកាន់តែខ្លាំងឡើងរបស់អ៊ុយក្រែនសម្រាប់ការគាំទ្រ ក្នុង​សង្គ្រាម​របស់ខ្លួនប្រឆាំងនឹងរុស្ស៊ី ដែលបានកោះហៅឯកអគ្គរដ្ឋទូតបារាំងឲ្យតវ៉ាចំពោះ «ការចូល​រួម​កើន​ឡើង» របស់ប្រទេសនៅក្នុងជម្លោះនេះ។

ជាមួយគ្នានេះដែរ អ៊ុយក្រែន បានអំពាវនាវឲ្យប្រទេសលោកខាងលិច បញ្ឈប់ប្រទេសរុស្ស៊ី ក្នុង​ការ​ស្វែង​រក​ផ្នែកសំខាន់ៗ សម្រាប់ការផលិតអាវុធផ្ទាល់ខ្លួន សម្រាប់​សង្គ្រាម​ដែល​នឹង​មាន​រយៈពេល​២​ឆ្នាំ ឆាប់ៗនេះ ហើយបានធ្វើឲ្យមនុស្សរាប់ម៉ឺននាក់ ស្លាប់។

ស្នងការទីផ្សារផ្ទៃក្នុងរបស់សហភាពអឺរ៉ុប លោក Thierry Breton បាន​និយាយ​ក្នុង​ដំណើរ​ទស្សន​កិច្ច​ទៅ​កាន់​ប្រទេសអេស្តូនីថា សហភាពអឺរ៉ុប នឹងអាចបញ្ចេញគ្រាប់រំសេវយ៉ាងហោចណាស់ ១,៣ លានគ្រាប់នៅចុងឆ្នាំនេះ។

លោក Breton បានប្រាប់​អ្នក​យក​ព័ត៌មាន​ថា «យើងស្ថិត​ក្នុង​ពេល​វេលា​ដ៏​សំខាន់​មួយ​សម្រាប់​សន្តិសុខ​សមូហភាព​របស់យើងនៅក្នុងទ្វីបអឺរ៉ុប ហើយនៅក្នុងសង្រ្គាមនៃការឈ្លានពានដែលគ្រប់គ្រងដោយរុស្ស៊ីនៅអ៊ុយក្រែន អឺរ៉ុបត្រូវតែ និងបន្តគាំទ្រអ៊ុយក្រែនគ្រប់មធ្យោបាយទាំងអស់»។

លោក Breton បាននិយាយថា នៅខែមីនា ឬខែមេសា ប្រទេសសហភាពអឺរ៉ុបទាំង២៧ នឹង​ឈាន​ដល់​គោល​ដៅ​ផលិតគ្រាប់រំសេវ មួយលានគ្រាប់ ជារៀងរាល់ឆ្នាំ៕