អាមេរិក ៖  កាលពីព្រឹកថ្ងៃសៅរ៍ម្សិលមិញ ក្រុមអវកាសយានិក ៤រូបរួមទាំងអាកាយានិកលើកដំបូងរបស់ទួរគី ធ្វើដំណើរទៅដល់ស្ថានីយ៍អវកាសអន្តរជាតិ(ISS) សម្រាប់ការស្នាក់នៅរយៈពេល ២សប្តាហ៍ ក្នុងបេសកកម្មចុងក្រោយគេរៀបចំការចំណាយទាំងស្រុងដោយក្រុមហ៊ុនអវកាស Axiom Space ដែលមានមូលដ្ឋាននៅរដ្ឋ Texas សហរដ្ឋអាមេរិក ។ 

 ការទៅដល់ ISS របស់ក្រុមអវកាសយានិក បានកើតមានរយៈពេល ៣៧ម៉ោងក្រោយការបាញ់បង្ហោះយានចម្លងរបស់ក្រុមហ៊ុន Axiom Space ចេញពីមជ្ឈមណ្ឌលអវកាសក្រុង Kennedy របស់អង្គការ NASAស្ថិតនៅទីក្រុង Cape Canaveral រដ្ឋ Florida ។ 

 ទាំងយានអវកាស Crew Dragon និងយានចម្លង Falcon 9 ដែលដឹកក្រុមអវកាសយានិកទៅកាន់គន្លងតារាវិថី ត្រូវបានផ្គត់ផ្គង់ បាញ់បង្ហោះ និងប្រតិបត្តិការដោយក្រុមហ៊ុន SpaceX របស់លោក Elon Musk ក្រោមកិច្ចសន្យាជាមួយក្រុមហ៊ុន Axiom Space ស្របពេលដែលពួកគេស្ថិតក្នុងបេសកម្មចំនួន ២លើកដំបូងរបស់ក្រុមហ៊ុន Axiom Space ទៅកាន់ ISS ចាប់តាំងពីឆ្នាំ ២០២២មក ។ 

 ក្រុមអវកាសយានិកចម្រុះជាតិសាសន៍នេះដែរ ដឹកនាំដោយលោក Michael López-Alegría វ័យ ៦៥ឆ្នាំ គឺជាអវកាសយានិកចូលនិវត្តន៍កើតនៅប្រទេសអេស្ប៉ាញរបស់អង្គការ NASA ៕