សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជាអតីតនាយករដ្ឋមន្រ្តីនៃកម្ពុជា បានបង្ហាញរូបថតមួយសម្លឹក ដែលមានសម្លៀកបំពាក់ពណ៌ខ្មៅ ខណៈសម្លៀកបំពាក់ដ៏កំសត់មួយនេះវាមិន ឡូយឆើយឆាយក្តី ប៉ុន្តែវាបានជួយឲ្យសម្តេចសម្រេចជោគជ័យការងារជូនប្រទេសជាតិក្នុងរយៈពេលជាង ៤៥ឆ្នាំកន្លងមកនេះ។

 តាមរយៈផេកហ្វេសបុកផ្ទាល់របស់សម្តេច នាល្ងាចថ្ងៃទី២១ ខែមករា ឆ្នាំ២០២៤នេះ សម្តេចតេជោ ហ៊ុន សែន បានរៀបរាប់ថា «ឃើញរូបថតមួយសន្លឹកនេះនឹកអាណិតខ្លួន។ធ្វើរដ្ឋមន្ត្រីការបរទេសក្នុងវ័យមិនទាន់គ្រប់២៧ឆ្នាំមិនទាន់បានជួបប្រពន្ធកូន មានរបបស្បៀង១៦គីឡូក្នុងនោះអង្ករ១០គីឡូពោតក្រហម៦គីឡូ។ងាកមកសម្លៀកបំពាក់ ខ្ញុំមានខោអាវធំតែមួយសម្រាប់នេះទេដែលជាជំនួយរបស់មិត្តវៀតណាម(រូបថតនេះថតនៅប្រហែលពាក់កណ្តាលកុម្ភះឆ្នាំ១៩៧៩មុនពេលខ្ញុំជួបភរិយា និងកូនខ្ញុំ)។ខោអាវធំនេះមិនបានវាស់កាត់ទេបានជាខោវែងជាងជើងអាវធំជាងខ្លួន។ឯអាវក្នុងមានតែ២ទេ ស្បែកជើងទៅរើសនៅផ្សារថ្មីម្ខាងធំម្ខាងតូចពាក់ឈឺជើងស្ទើរដើរមិនរួច»។

តែទោះយ៉ាងណាក៏ដោយសម្តេចតេជោ ហ៊ុន សែន បានលើកឡើងទៀតថា«បើទោះខោអាវមិនស្អាតនេះមិនរំខានការងារខ្ញុំនោះទេវាតាមបំរើខ្ញំទាំងនៅភ្នំពេញ ហាណូយ មូស្គូកំឡំបូប្រទេសស្រីលង្កានៅពេលខ្ញុំធ្វើដំណើរទៅប្រជុំប្រទេសនៃចលនាមិនចូលបក្សសម្ព័ន។ ខោអាវមួយសម្រាប់នេះវាបានជួយឱ្យខ្ញុំទទួលបានជោគជ័យរយៈពេលជាង៤៥ឆ្នាំកន្លងម»ក។

ជាមួយគ្នានោះសម្តេចតេជោ បានលើកឡើងទៀតថា ជោគជ័យដែលបានមកដោយការលំបាកគឺជោគជ័យដែលមោទកភាពនិងត្រូវចេះថែរក្សាឱ្យខាងតែបាន។សម្តេចបានបន្ថែមទៀតថា« ត្រូវចងចាំជោគជ័យមិនមែនបានមកដោយការិយាល័យធ្វើការល្អ រថយន្តទំនើប ខោអាវស្អាតនោះឡើយតែបានមកដោយចេះធ្វើការដោយមានប្រសិទ្ធភាពដើម្បីបំរើដល់ផលប្រយោជន៍ជាតិនិងប្រជាជន»៕

អត្ថបទបាន ចក់